Aug 312015
 
Share on FacebookTweet about this on TwitterShare on Google+Print this page

gangadhar gautamएनआरएन बेल्जियमको निर्वाचनमा गंगाधर गौतमले ८३६ मत प्राप्त गरी अध्यक्षमा विजयी भएका छन् । उनकी प्रतिस्पर्धी सरु चापागाईंले ६८१ मत पाइन् ।

महासचिवमा लोक प्रसाद दाहालले ७७६ मत प्राप्त गरी विजयी भएका छन् भने र उनका प्रत्यासी यामु निरौलाले ७१४ मत प्राप्त गरे ।

त्यसै गरी आईसीसी सदस्यका लागि चिजकुमार श्रेष्ठले ९५८ मत र नेत्र बहादुर मगरले ८४२ मत प्राप्त गरि स्थान सुरक्षित गरेका छन् । गोपाल सिम्खडाले ६५१ र किसन केसीले ५२४ मत  पाए । यसैगरी उपाध्यक्षमा कृष्णप्रसाद पौडेल ८६१ र पदम गुरुङ १०१५ मतसहित बिजयी भएका छन् । महिला उपाध्यक्षमा यसोदा सुवेदी बिजयी भएकी छिन् । उनले ८३० मत प्राप्त गरिन् ।
यसैगरी सचिवमा गोविन्दसिंह अधिकारी र राकेश कर्माचार्य, कोषाध्यक्षमा आङमाया लामा, सहकोषाध्यक्षमा हरिकुमार पाठक बिजयी भएका छन् ।
यसैगरी महिला संयोजकमा निर्मला बजगाईं तथा सदस्यहरुमा राजु केसी, भिम सुवेदी, पूर्ण तिमिल्सीना, किरण शर्मा, सागर सुब्बा होम गुरुङ, अहमद दिन मिया, रेना बस्नेत, कल्पना मगर, सावित्री गिरी र सुमित्रा गुरुङ निर्वाचित भए । प्रगतिशील प्यानलको तर्फबाट एक मात्र सदस्य मुना ताम्राकारले जितिन् ।

गौतमको प्यानलमा काँग्रेस, एमाअोवादी र जनजातिहरूको समूह थियो भने एमाले पक्षधरहरूको नेतृत्व चापागाईंले गरेकी थिइन् । 

बेल्जियमका पाँच मतदान क्षेत्रका पाँच मतपेटिकालाई छुट्टाछुटै पाँच ठाउमा राखी मतगणना गरिएको थियो ।

vote counting nrn belgium

Aug 302015
 
Share on FacebookTweet about this on TwitterShare on Google+Print this page

एनआरएन बेल्जियमको निर्वाचनमा  सबै क्षेत्रको मत संकलन गरि अहिले राती १२ बजेबाट आन्त्वेर्पेनमा मतगणना शुरू हुँदैछ । निर्वाचनमा काँग्रेस-एमाओवादीसहितको गंगाधर गौतमको समूह र एमालेनिकटको सरू चापागाइँ समूहकाबीच तीब्र प्रतिस्पर्धा देखिएको छ ।

इन्फोमालाले प्रमुख मतदान केन्द्रमा रहेका प्रतिनिधिहरूसँग सम्पर्क गरी माहौलबारे जानकारी लिएको थियो । प्राप्त रिपोर्टअनुसार मिश्रित नतिजा आउने आँकलन गरिएको छ । आइ.सी.सी. प्रतिनिधिमा गौतम समूहका चीजकुमार श्रेष्ठ र चापागाइँ समूहका गोपाल सिंखडाको प्रबल संभावना रहेको अनुमान गरिएको छ । त्यसैगरी महासचिवमा चापागाइँ समूहका यामु निरौलाले बाजी मार्ने धेरैको अनुमान छ ।

अध्यक्षमा भने चर्को प्रतिस्पर्धा रहेको बताइएको छ । आन्त्वेर्पेन र गेन्टमा सरू चापागाइँ अगाडि रहेको अनुमान छ भने लुभेन र ब्रुजमा गंगाधर गौतमको पकड बलियो देखिएको छ । ब्रसेल्समा दुबै उमेदवार हाराहारीमा रहेको बताइन्छ । यो आँकलनलाइ विश्लेषण गर्दा अध्यक्षमा थोरै मत अन्तरले निर्णय हुने संभावना देखिएको छ ।gangadhar gautamsaru chapagai

Mar 212013
 
Share on FacebookTweet about this on TwitterShare on Google+Print this page

nrnघटीमा ६ हजार ( केहीको अनुमानमा १० हजार, गैर कानूनी रूपमा रहेकाको गणना मुस्कील भएकोले यकीन सँख्या भन्न नसकिने)  नेपालीहरूले भरिएको युरोपको सानो र समृद्ध राष्ट्र बेल्जीयममा नेपालीका ६० भन्दा ज्यादा सँघ- संगठनहरू सक्रिय छन् । यी सँस्थाहरूमा जिल्लागत, जातिगत र राजनीतिक पार्टीगत रूपमा नेपालको प्रतिबिम्ब देखिन्छ र, प्रष्टै रूपमा घरदेशको जस्तै नेतागिरी र भाटगिरी चल्छ । त्यसबाहेक भाषा, संस्कृति, च्यारिटी र खेल क्षेत्रमा सक्रिय सँस्थाहरू पनि चाँदीको घेरा झैं नेपाली समुदायमा रहेका छन् ।

यी ६० सँस्थाका ६० ‘अदक्ष’ हरूको आसनमाथि अर्को ठूलो ‘अदक्ष’ को सिंहासन छ । अर्थात एन. आर. एन. । एन. आर. एन. अभियानको यात्रा लम्बिंदै जाँदा थुप्रै देशहरूका राष्ट्रिय कमिटीहरू कुहिरोको काग जस्तै बन्दै गइरहेका छन् । च्याउ उम्रे झैं खुलेका सँस्थाहरूको हुलमा एन. आर. एन.को भूमिका के हुने भन्ने अन्यौल देखिन्छ । अनि यी एन. आर. एन. का राष्ट्रिय कमिटीहरू जताततै हात हाल्ने र कतै काम गर्ने र कतै सिर्फ सिनेमा देखाउने बनेका छन् ।

यहाँ सन्दर्भ छ, बेल्जियमको । यहाँको एन. आर. एन. पनि कुहिरोको काग जस्तो लाग्छ । Continue reading »