बेलायतको स्कट्ल्याण्डको एबर्डिनमा नेपालीहरुको समाजिक संस्था नेप्लिज हिमालयन एसोसिएसनले एबर्डिनबासी नेपालीका छोराछोरीलाई लक्षित गरी नेपाली भाषा पठन-पाठन कक्षा संचालन गरेको छ । नेपाली भाषा, कला, संस्कृतिको ज्ञान दिने उद्देस्यले हरेक २ हप्तामा २ घण्टाको दरले कक्षा सुरु गरिएको र छिट्टै समय बढाउने तयारी गरिएको संस्थाका अध्यक्ष टक बहादुर थापाले बताउनु भयो ।
नेपाली भाषा कक्षा अध्यापनको लागी बिजय सिग्देलको सम्योजकत्वमा नेपालमा रहॅदा शिक्षण पेसामा लागेर अनुभब हासिल गरेका ब्यक्तीहरुको ७ सदस्यीय समिती गठन गरिएको छ, जस्मा टंक थापा, प्रकाश भट्ट, कबिता हुमागाईँ, मुकुल दाहाल, तोया सापकोटा र भुवन थापा रहनु भएको छ । स्कटिस् च्यारिटीमा दर्ता यो सामाजिक संस्था नेप्लिज हिमालयन एसोसिएसनले बिभिन्न सामजिक कार्यमा नेपाल स्थित बिभिन्न संघ संस्थाहरु मार्फत सहयोग गर्दै आएको छ ।