बेल्जियममा सम्पन्न नबौ साग्रिला हाजिरीजवाफको उपाधी नेपाल बेल्जियम युवा क्लवले जितेको छ। जित सगै क्लवले नगद ५०० युरो प्राप्त गरेको छ। क्लवको तर्फबाट विजय सापकोटा, सन्तोष पन्त र निश्चल श्रेष्ठले भाग लिएका थिए।
आईतवार लुभेनमा पाच टिम बीच भएको प्रतियोगितामा ग्रेटर नेपाल द्वितीय र चहलपहल टिमले तृतीय स्थान हासिल गर्न सफल भए। दोश्रो र तेश्रो हुने टिमलाई नगद पांचसय, तीनसय र दुईसय युरो सहित सम्मान पत्र प्रदान गरिएको थियो। ग्रेटर नेपालबाट माधव सापकोटा, नन्दराज घले र शैलेश मल्ल, चहलपहलबाट प्रकाश केसी, निश्चल न्यौपाने र राजीव थापाले भाग लिएका थिए।
प्रवासमा रहेका दोश्रो पुस्ताका नेपालीहरुलाई नेपाल सम्वन्धि जानकारी दिने उद्वेश्यले हाजिरीजवाफ प्रतियोगिताको आयोजना गरिएको थियो। प्रतियोगितामा बिशेष गरी नेपाल र बेल्जियम सम्वन्धि प्रश्नहरु सोधिएको थियो। प्रतियोगितामा एसआरए टिमबाट आशिष शर्मा, राजु श्रेष्ठ र सुनिल मुनिकार र दिदीबहिनी टिमबाट सुमित्रा पौडेल, देवी घिमिरे, र प्रतिमा थापाले सहभागिता जनाएका थिए।
साग्रिला समाज बेल्जियमको आयोजना र अन्तर्राष्ट्रिय नेपाली साहित्य समाज बेल्जियमको सह आयोजनामा भएको कार्यक्रममा एनआरएनले प्रथम पुरस्कार, समाजका संथापक उपाध्यक्ष एंव वर्तमान सल्लाहकार जानकी गुरुंगले द्वितीय पुरस्कार र युरो नेपाल कलाकार संघ, नारायण अधिकारी र शंकर बजगाईले तृतीय पुरस्कारको सौजन्य प्रदान गरेका थिए। इन्द्र धनुष कवलले प्रविधिमा सहयोग गरेको थियो भने हिमालयन रेष्टुरेन्टले खाना प्रदान गरेको थियो । त्यसै गरी एमडी समुहले पनि कार्यक्रम सम्पन्न गर्न सघाएको थियो ।
कार्यक्रम हेर्नको लागी थुप्रै नेपालीहरु उपस्थित भएका थिए । उपस्थित दर्शकहरु माझ अप्रतियोगात्मक कार्यक्रम संचालन गरिएको थियो। कृपा मल्ल र रेणु केसीले उत्कृष्ठ दर्शकको पुरस्कार जितेका थिए।
सविता दाहाल संयोजक र दीपकज्योति पौडेलद्वारा संचालन गरिएको कार्यक्रमलाई परमानन्द सापकोटा, बिष्णु सापकोटा र सचिन केसीले सघाएका थिए । एनआरएन केन्द्रिय सचिव अर्जुनकुमार श्रेष्ठ प्रमुख अतिथि र एनआरएन बेल्जियमका अध्यक्ष गंगाधर गौतम र युरोप यात्रामा रहेकी नेपाली कलाकार सुकुमाया मोक्तान बिशिष्ठ अतिथि रहेको कार्यक्रममा समाजका पूर्व अध्यक्ष दीपेन्द्र केसी र यामु निरौलाका साथै बेल्जियमस्थित विभिन्न संघ सस्थाका प्रतिनिधि सहभागी थिए। कार्यक्रमको समापन गर्दै समाजका अध्यक्ष खड्क केसीले नेपाल प्रवर्द्वनको लागी कार्यक्रमलाई निरन्तरता दिएको बताए।