मोहन वैद्य नेतृत्वको नेकपा माओवादी विभाजित भएको छ । शनिबार माओवादीको नेवा राज्य समितिको कार्यालय कुपन्डोलमा बसेको केन्द्रीय समितिको बैठकले रामबहादुर थापा बादललाई अध्यक्ष बनाउँदै क्रान्तिकारी माओवादी औपचारिक रुपमा विभाजित भएको हो ।एकीकृत माओवादीसँग एकताका विषयमा बैद्य संग कुरा नमिलेपछि बादल नेतृत्वमा क्रान्तिकारी माओवादी विभाजित भएको हो । बैठकमा बैद्य भने उपस्थित थिएनन । कुपन्डोलमा बसेको बैठकमा १ सय १५ जना केन्द्रीय सदस्यको उपस्थिति र एक सय ३० केन्द्रीय सदस्यको समर्थनमा बादललाई अध्यक्ष घोषणा गरेको बताईएको छ ।
नेता बादल पक्षले वैशाख २८ गते एमाओवादीसँग पार्टी एकता गर्ने तयारी गरेको थियो तर वैद्यलाई मनाउन भन्दै शनिबारसम्मका लागि बैठक स्थगित गरेको थियो । अध्यक्ष वैद्यलाई मनाउने अन्तिम प्रयास समेत असफल भएपछि बादल समूहले बादललाई अध्यक्ष बनाएर एमाओवादीसँग एकता गर्ने निर्णय गरेको हो ।