नेपाल सरकारले भानुभक्त द्विशतवार्षिकी कार्यकारी समितिको सिफारिसमा बेल्जियममा रहेर भानुभक्त द्विशतवार्षिकीको उचाई प्राप्तिका लागि समर्पित भएर कार्य गर्ने पाँच जनालाई “भानुभक्त स्वर्ण पदक” प्रदान गरेको छ ।
भानुभक्त द्विशतवार्षिकी कार्यकारी समितिका सल्लाहकार नरेन्द्रराज प्रसाईका अनुसार ‘भानुभक्त स्वर्ण पदक’बाट अलङ्कृत हुनेहरूमा विमल गिरी, दीपेन्द्र के.सी., राजकुमार पुडासैनी, दीपकज्योति पौडेल र मोहन खत्री हुनुहुन्छ ।
यसैवीच अनेसास बेल्जियम तथा भानुभक्त आचार्य द्वीशतवार्षिकी समारोह समिति बेल्जियमले उक्त कदरका लागि पर्यटन तथा सँस्कृति मन्त्रालय र भानुभक्त आचार्य द्वीशतवार्षिकी समारोह समितिलाइ धन्यवाद एवँ हार्दिक आभार व्यक्त गरेको छ ।
‘भानुभक्त स्वर्ण पदक’ नेपालसहित २२ राष्ट्रका देशी-परदेशी नेपाली साहित्यकारहरुलाई दिन लागीएको हो । भानुभक्त द्विशतवार्षिकी कार्यक्रम सफल पार्न सहयोग गर्ने सयभन्दा बढी साहित्यप्रेमीहरूलाइ सो सम्मान दिइँदैछ ।