बागलुङ हुग्दीशिरका २० बर्षिय इन्द्रबहादुर पुनले हुग्दीशिर उच्चमाविका शिक्षिका तारा श्रीषको हत्या गरेका छन। एक बर्षदेखिको प्रेम सम्बन्धमा विहे प्रस्ताव राख्दा अस्वीकार गरेपछि युवकले प्रेमिकाको हत्या गरेका हुन् । पुनलाई प्रहरीले हत्या अभियोगमा पक्राउ गरी शुक्रबार सार्वजनिक गरेको छ ।
हत्याको आरोपमा पक्राउ परेका पुनले आफूले नै महिलाको हत्या गरेको स्वीकार गरेका छन् । अभियोग स्वीकारेपछि जिल्ला प्रहरी कार्यालय बागलुङले शुक्रबार साझ बागलुङमा पत्रकार सम्मेलन गरी पुनलाई सार्वजनिक गरेको हो ।
गत असोज ६ गतेदेखी वेपत्ता भएकी महिलाको असोज ११ गते हुग्दिशिर-३ भाटीको छेणास्थित फोहोर फाल्ने खोल्सामा किरा परेको अवस्थामा शव फेला परेको थियो । कुहिएको अवस्थामा महिलाको शव फेला परेपछि प्रहरीेले अनुसन्धान गर्दै जाँदा विहीबार पर्वतको फलेबासबाट शंकाको आधारमा ईन्द्र पुनलाई नियन्त्रणमा लिएको थियो ।
अभियुक्त पुनले मृतक महिलासंग आफ्नो लामो समयको प्रेम रहेको, समय समयमा शारीरिक सम्बन्ध हुने गरेको र विवाह प्रस्ताव राख्दा नमानेपछि ज्याकेटको डोरीले घाटी थिचेर हत्या गरेको प्रहरी अनुसन्धानमा खुलेको छ ।
शिक्षिका तारा श्रीष विवाहित महिला हुन् । केही समयअघि मात्रै उनले आफ्ना श्रीमानसँग सम्बन्ध विच्छेद गरेकी थिईन् । त्यसपछि उनी इन्द्रबहादुर पुनसँग नजिएकी थिईन् ।