नेपाली काग्रेसका नेता तथा नेपाल सरकारका पूर्व उर्जामंत्री डा.प्रकाश शरण महतको उपस्थितिमा जन सम्पर्क समिती बेल्जियमद्वारा शनिवार लुभेनमा आयोजित नेपालको संबिधान लेखनमा नेपाली काग्रेसको दृष्ट्रिकोण बिषयक अन्तरक्रिया सम्पन्न भयो|
कार्यक्रममा गंगाधर गौतम,इन्द्र क्षेत्री,जानकी गुरुङ,माधब सापकोटा र बाबुराजा लामाले नेपालको संबिधान लेखनमा भएका समस्या र नेपाली काग्रेसले खेल्नुपर्ने भूमिकाको साथै प्रवासी नेपालीहरुको बारेमा समेत महत सग चासो राखेका थिए|बिगतको संबिधान सभाबाट संबिधान जारी गर्न नसक्नुका कारण बारे जानकारी गराउदै महतले यस पटक निरास नहुन आग्रह गरे|‘शासकीय स्वरूप सम्बन्धमा राजनैतिक दलहरुबीच रहेको बिबाद आपसी छलफलबाट छिटै समाधान गरी संबिधान जारी गर्नेछौ|’उनले भने|उनले प्रवासी नेपालीहरुलाई सम्बोधन गर्दै नागरिकताको निरन्तरता र सुपुर्दगी सम्वन्धमा पार्टी र सरकारसग कुरा राख्ने जानकारी गराए|
जन सम्पर्क समिती बेल्जियमका अध्यक्ष सुवास जोशीको सभापतित्वमा सम्पन्न कार्यक्रमको संचालन समितीका सह-महामन्त्री सुवास गुरुङले गरेका थिए|