मातै काफी छ

कविता
Dipendra KCसम्झेर तिमीलाई
पिइन कहिल्यै मैले
तिम्रो सम्झनाको
मातै काफी छ,
खोजेर तिमीलाई
हिडिन कहिल्यै
तिम्रो मीठो सपनाको
रातै काफी छ ।

भरिएको त
वोतलमात्रै हो
हेर्दै लाग्ने
तिम्रो रुपको
मातै काफी छ,
भो वाचा कसममा
पुग्दिन म
मनकै गुलाफ लजाउने
वातै काफी छ ।

जोवनै खोजेको छैन
अहिल्यै मैले
सहाराको एउटा
हातै काफी छ
मीठो सपनाको
रातै काफी छ ।

प्रतीक्षाभरि वर्वराउन
त्यो ‘लज्जावती’ को
मातै काफी छ
मीठो सपनाको
रातै काफी छ,
उठनै नसक्ने गरी लाग्ने
कल्पनाको क्या वात,
उसको
बातै काफी छ ।
– दीपेन्द्र के.सी., बेल्जियम