अन्तराष्ट्रिय साहित्य समाज लस एन्जलस च्याप्टरको आयोजनामा महाकवि लक्ष्मीप्रशाद देवकोटाको १०६ औं जन्म जयन्ति कबि गोष्ठी आयोजना गरी मनाइएको छ । स्थानिय आर्टेशिया पार्कमा आयोजित महाकवि लक्ष्मीप्रशाद देवकोटाको १०६ औं जन्म जयन्ति तथा कबि गोष्ठी समारोहमा लस एन्जलस क्षेत्रका साहित्यकारहरुले कविता वाचन गरेका थिए ।

सानडियागो, क्यालिफोर्नियाका अवैतनिक वाणिज्य दुत ऋषि ढकालको प्रमुख आतिथ्यता र अन्तराष्ट्रिय साहित्य समाज लस एन्जलस च्याप्टरका सभापति शान्तिराम ढकालको सभापतित्वमा सम्पन्न कबि गोष्ठीमा विश्व प्रसिद्ध सात उच्च हिमाल आरोहणमा निस्किएकी नेपाली महिला सुष्मिता मास्के, गैर आवशीय नेपाली संघ अमेरिकाका सहसचिव दिल श्रेष्ठ, महिला संयोजक उमा थापा कार्की, सदश्य बलराम थापा, गैर आवशीय नेपाली संघ अन्तराष्ट्रिय समन्वय परिषद्का सदश्य राजेन्द्र सिवाकोटी, स्थानिय अगुवा समाजसेवी प्रेम गुरागाईंले महाकवि देवकोटा बारे प्रकाश पारेका थिए । कविता वाचन गर्ने साहित्य अनुरागीहरुलाई प्रमाणपत्र वितरण गरिए पछि सहभोजको आयोजना गरिएको थियो । कबि गोष्ठी समाजका महासचिव तिलक थापाले संचालन गर्नु भएको थियो ।