प्रधानमन्त्री शुशील कोईरालाले बिदेशमा बस्ने नेपालीहरुलाई मिलेर बस्न आग्रह गरेका छन् |संयुक्त राष्ट्र संघको महासभामा भाग लिए लगत्तै तिन दिने 
बेल्जियमको भ्रमणको क्रममा बेल्जियम आएका कोईरालाले बुधवार स्वदेश फर्कनु अगावै नेपाली दूतावास ब्रसेल्समा जम्मा भएका गैर आवासीय नेपालीहरुलाई सम्बोधन गर्दै उक्त कुरा बताएका हुन्|
प्रधानमन्त्री कोईरालाले न्यूयोर्कमा संघ सस्थाको अन्तरक्रिया कार्यक्रममा नेपाली उग्र भएर बोलेको स्मरण गर्दै ‘प्रजातन्त्रमा आस्था र बिश्वास हुन्छ | जुनसुकै पार्टीको भए पनि फरक पर्दैन सकारात्मक सोच राख्नुस सकारात्मक संदेश जान्छ नकारात्मक सोच राख्नुस नकारात्मक संदेश जान्छ |’ उनले भने |
मुलुक संबिधान निर्माणको सकारात्मक बाटो तर्फ गैरहेको बेला गलत कुराहरुले देश भाडिने उल्लेख गर्दै उनले भने ‘सबै मिले पो देश बन्छ,द्वन्द्व र हिंसाले देश बन्दैन,कसैको हक अधिकार रहदैन | प्रवासमा बसेका तपाईहरु एक अर्कालाई निस्तेज गरेर के पाईन्छ |’ उनले प्रश्न गरे |
प्रवासमा मिलेर बसे बल हुने टुट्यौ भने हेप्ने उल्लेख गर्दै उनले भने ‘भारतीय,पाकिस्तानी र बंगलादेशीहरु एक ढिक्का भएर बसेका छन,हामी चाहि मारकाट,एक नेपाली संग अर्को नेपाली’ | आपसी झगडा र कलहले कसैलाई पनि फाइदा नपुग्ने उल्लेख गर्दै ‘तपाईहरु मिलेर बस्नुस ,त्यो एकता आवश्यक छ केहि पिर,मर्का,दुख पर्यो भने मद्वत मिन्छ,बाहिर बस्दा सबैले आवाज उठाए पो हामीलाई मद्वत होला एक अर्का प्रति निस्तेजको आवाज उठाए हेप्छन |’ उनले थपे |
बिदेशमा बसेका नेपालीहरु अनेकै दुख कठिनाईका बाबजुद पनि जुट्न नसकेकोमा चिन्ता प्रकट गर्दै ‘मेरो अनुरोध छ जुनसुकै नेपालीहरु पार्टी वा संघ-सस्थाको भए पनि नेपाली भएर बसौ,एक अर्कालाई नतानौ |’ उनले भने |
कोईराला संयुक्त राष्ट्र संघको ६९ औ महासभामा भाग लिएपछी स्वदेश फर्कने क्रममा सोमवार ब्रसेल्स आएका थिए| भ्रमणको क्रममा कोईरालाले युरोपियन काउन्सिलका अध्यक्ष हर्मन भान रोम्पोई ,युरोपियन कमिसनका अध्यक्ष जोसे म्यानुअल वारोसो र लक्जेम्बर्गका प्रधानमन्त्री जेभियर वेतल संग भेटघाट भेटघाट गरेका थिए |