बेल्जियममा निधन भएका प्रकाश उदयको हिन्दु परम्परा अनुसार शुक्रवार बेल्जियमको न्यूवोर्डस्थित मुर्दाघरमा दाहसंस्कार गरियो| नेपालको पाल्पा
जिल्ला नारायणस्थान नगरपालिकाका घर भै बिगत २२ बर्षदेखि बेल्जियममा बस्दै आएका प्रकाश उदयको हृदयघातको कारण गत शुक्रवार बेर्तेममा असामायिक निधन भएको थियो|

अन्तेष्टि समारोहमा नेपाली र बेल्जियन गरी करिब ५० जना जति सहभागी थिए| उपस्थित सबैले उनि प्रति भावपूर्ण श्रदान्जली अर्पण गरेका थिए| लुसिया भेरमाईलेनको सम्पर्कमा  बेल्जियम स्थित गैर आवासीय नेपालीहरु अन्तिम श्रदान्जली दिन त्यहाँ पुगेका थिए|

उनि सन् १९९२ मा अध्यनको शिलशिलामा बेल्जियम आएका थिए| सफ्टवेयर ईन्जिनियरका रुपमा कार्यरत उदय झन्डै ३ महिना देखि बिरामीका कारण काम गर्न सकेका थिएनन् |उनि बिगत १० वर्ष देखि डायबेटिजका बिरामी थिए|अबिबाहित ४६ बर्षिय उदय नारायणस्थान स्थित राम प्रसादका उदयका माईला छोरा हुन्|