बाढीपिडित सहयोगार्थ नायिका र गायिकाको युरो टुर

बाढीपीडितलाई सहयोग जुटाउन नन्दिता केसी, गरिमा पन्त, रिमा गुरुङ र मिन्गा शेर्पा युरोप आउने भएका छन् । गत महिना महाकाली नदीको बाढीबाट पिडित परिवारलाई सहयोग जुटाउने उद्वेश्यले उनीहरु युरोप यात्रामा आउने भएका हुन् ।

Mahakali-Floodपिडितको सहयोगार्थ विभिन्न देशहरुमा आयोजना गरिने कन्सर्टहरुमा उनीहरु सहभागी हुनेछन । युरोपका स्थानीय संघ सस्थाहरुद्वारा आयोजना गरिने कन्सर्टमा स्थानीय कलाकारहरुले समेत साथ दिनेछन ।
करिब एक महिने कार्यक्रम लिएर युरोप आउदै गरेका उनीहरुको लागि पहिलो कार्यक्रम भने बेल्जियममा तय भै सकेको छ । युरो नेपाल कलाकार संघ बेल्जियमले यहि अगस्त ३ तारिख बेल्जियमको लुभेनमा एक कार्यक्रमको आयोजना गरेको छ  ।
अन्य युरोपियन देशहरुमा पनि कार्यक्रम आयोजना गरिने पक्का भएको संघका महासचिब जिम्मी गुरुङ्गले जानकारी गराएका छन् । उनीहरु यहि जुलाइ ३०  मा युरोप आउँदै छन् ।