नयाँ सञ्जालको संसार

    कविता

kabita poemप्रत्येक क्षण क्षणमा

उद्विग्न अन्तरमनमा

प्रत्येक दिन दिनमा

अभितप्त पाइलामा

मेरो अस्तित्वको जरामा

ए सुन !

नवजीवनको महत्त्वाकांक्षा फैलिएको उद्भाव फिलिङ्गो

नयाँ सञ्जालको संसार !

 

आफैमा बल्झीएको झोँक

कुटुम्बहरूले मौलाएको रोष

समाजले रङ्गाएको विद्रोह

आपत्ति पन्छाएर अवसर खोज्छु

आशाको खोज यो, सुखधाम पुरस्कार

 

सीमा त मानवनिर्मित न हो

सीमाहीन विराट जगत्-को यात्रामा,

पढ्न नसकिएका ती आँखाहरू

धमिलो त्यो दूर दृश्य

प्रष्टिंदै नजिकिन्छ

सत्त्वको आकार

 

स्वरको तीब्र गतिमा बत्तिएको

विचारको माकुरो जालीमा उनिएको

आशाको क्षितिजमा फैलिएको

र्इमान र आर्जनको भरोसा यो

सङ्घर्ष हो, मनको सपना साकार

नयाँ सञ्जालको संसार !

 – पंचम अधिकारी, ब्रसेल्स