उसो त बलिउडका धेरै कलाकार अमिताभ बच्चनसँग फिल्म खेल्ने सपना देख्छन् । हालै बच्चनले भनेका थिए, उनको इच्छा भने बलिउडकी पछिल्लो ‘हट केक’ दीपिका पादुकोणसँग खेल्ने छ । अमिताभको यो इच्छा पुरा हुने भएको छ । बलिउडमा लगातार सफलता पाइरहेकी दीपिका पादुकोण अब अमिताभ बच्चनकी छोरी बन्ने भएकी छिन् ।

फिल्म पिकूमा दीपिका पहिलो पटक इरफान खानसँग स्क्रिन सेयर गर्नेछिन् । सोही फिल्ममा दीपिकाका पिताको रोलमा अमिताभ देखिने भएका हुन् ।

यो वर्षको अन्तिमतिर फ्लोरमा जाने भनिएको पिकूलाई सुजित सरकारले निर्देशन गर्ने भएका हुन्। पछिल्लो समय दीपिका फेसबुकमा समेत अत्याधिक रुचाइएकी नायिका बनेकी छिन् ।