Jun 092014
 
Share on FacebookTweet about this on TwitterShare on Google+Print this page

गैर-आवासीय नेपाली संघ (एनआरएनए ) को जुन ७ र ८ गरी दुई दिन सम्म स्पेनको बार्सिलोनामा आयोजित सातौं युरोपेली क्षेत्रीय बैठक तथा पाचौं क्षेत्रीय महिला भेलाले  १४ वटा  निर्णय गर्दै नेपाल सरकारको ध्यानाकर्षण गराएको छ| सम्मेलनले नेपाली भाषा बोलेकै आधारमा युरोपियन मुलुकबाट आधिकारीक कागजबिना नेपालीहरुलाई नेपाल सुपुर्दगी गर्ने प्रक्रिया तथा  नागरिकताको निरन्तरतको साथै नेपालमा  युरोपियन मुलुकको  दूतावास स्थापनाको बिषयमा नेपाल सरकार सग अनुरोध गर्ने निर्णय गरेको छ |10415573_796000813751601_68685609500565525_n

एनआरएन सातौं युरोपेली क्षेत्रीय बैठक तथा पाचौं क्षेत्रीय महिला भेलाका  निर्णयहरु:

१)निर्धारित समयमा नै नेपालको संबिधान निर्माण गरी नयाँ संबिधानमा नेपाली नागरिकताको निरन्तरता लगायत गैर-आवासीय नेपाली,महिला,पिछडिएका बर्गका बिषयहरुलाई संबोधन गर्न यो बैठक अनुरोध गर्दछ|

२)स्पेनमा नेपालीहरुको संख्या बढ्दै गएको तथा स्पेनबाट बैदेशिक लगानीको संभावना रहेकाले नेपाल सरकारलाई स्पेनमा नेपाली दूतावासको स्थापना गर्न यस बैठक पुन आग्रह गर्दछ|स्पेनमा बस्ने नेपालीहरुको परिवार पुनर्मिलनका लागी आवेदन दिन दिल्लीस्थित स्पेनिस नियोगमा जानु पर्ने र आवेदनका लागी कागजातको प्रमाणीकरण पनि दिल्लीबाटै गर्नु पर्ने व्यवस्था भएकोले विभन्न समस्याहरु भोग्नु परेको छ|अत नेपालमा स्पेनको कुटनैतिक नियोग स्थापना गर्न पहल गर्न नेपाल सरकारलाई अनुरोध गर्दछ|

३)एमआरपी पासपोर्ट तथा १६ बर्ष पुगेका दोश्रो पुस्ताका गैर-आवासीय नेपालीहरुको राहधानी सहज रुपमा प्राप्त गर्ने वातावरण तयार गर्न यो बैठक नेपाल सरकारलाई अनुरोध गर्दछ|

४)युरोपका विभिन्न देशबाट आधिकारीक कागज बिना नेपाली भाषा बोलेकै आधारमा सुपुर्दगी गरेकाहरुलाई नेपाली अध्यागमन विभागले स्वीकार गर्ने क्रम घट्दो भए पनि यसलाई अझ बढी प्रभावकारी बनाउन नेपाल सरकारलाई अनुरोध गर्दछ|साथै नेपाली भाषाका कागजातको प्रमाणीकरणका लागी देखिएका समस्या समाधानका लागी समेत सरकारलाई ध्यानाकर्षण गराउदछ|

५)’अधिकार सम्पन्न बागमती सभ्यता एकीकृत बिकाश समिति’ को आग्रह बमोजिम गैर-आवासीय नेपाली संघ,अन्तर्राष्ट्रिय समन्यव परिषदले शंखमुल घाट परिसरको ३२ रोपनी जमिनमा उधान एंव संरचना निर्माण गर्ने निर्णयको स्वागत गर्दै यो परियोजनाका लागी सहयोग गर्न यो बैठक प्रतिवद्वता जाहेर गर्दछ|

६)गैर-आवासीय नेपाली संघको आफ्नै भवन काठमाडौंमा निर्माण,बैदेशिक रोजगारमा रहेकाहरुको सहयोगार्थ अक्षयकोषको स्थापना,स्किल डेटाबेस,शिप एवं प्रविधि हस्तान्तरण लगायतका अन्तर्राष्ट्रिय समन्यव परिषदले अगाडी सारेका परियोजनाहरु युरोप क्षेत्रबाट पूर्ण रुपमा सहयोग रहने यस बैठक प्रतिवद्धता जाहेर गर्दछ|

७)’एक एनसीसी एक परियोजना’ अन्तर्गत नेपालमा बिभिन्न परियोजनाहरु संचालन गरीसकेका डेनमार्क,फ्रान्स,जर्मनी,नर्वे,स्विडेन र बेलायत लगायतका राष्ट्रिय समन्वय परिषदहरुलाइ धन्यवाद दिदै अन्य राष्ट्रिय समन्वय परिषदहरुलाई पनि आफ्ना परियोजनाहरु सिघ्र संचालन गर्नको लागी आग्रह गर्दछ|साथै लक्ष्मी प्रतिष्ठानको सक्रियतामा चितवन जिल्लाको लोथर गा.बि.स मा बसोवास गर्दै आएका चेपाङ समुदायको ‘सुरुङ देखि रिसोर्ट सम्म’ अभियानमा सहयोग स्वरूप घरहरु निर्माण गर्ने घोषणा गर्दछ|

८)युरोपका विभिन्न देशहरुमा बसोवास गर्दै आएका नेपाली महिला र बिदेशी नागरिकबाट जन्मेका बच्चाहरुले आमाको नेपाली नागरिकताको आधारमा नेपाली नागरिकता प्रमाण-पत्र प्राप्ति सहज बनाउन नेपाल सरकारलाई अनुरोध गर्दछ|साथै नेपालमा हुने गरेका महिला हिंसाका घटना प्रति चिन्ता व्यक्त गर्दै महिला हिंसाका दोषीहरुलाई दण्डको मापदण्ड तोक्न नेपाल सरकार सग माग गर्दछ|

९)बैदेशिक रोजगारका क्रममा शोषणको शिकार भै विभिन्न खाडी मुलुकबाट नेपाल फर्कन बाध्य महिलाहरुको लागी एनआरएन महिला फोरमको सक्रियतामा आपतकालीन राहत स्थापना गर्ने घोषणा गर्दछ|

१०)’गैर-आवासीय नेपाली सम्वन्धि बिधेयक २०६४’ पछी नेपालमा लगानीको वातावरण सहज भएकोले जलबिधुत लगायतका क्षेत्रमा सामुहिक लगानीको शुरुवात भएको अवस्थालाई मनन गर्दै नेपालले अपेक्षा गरे अनुरुपको लगानी बृद्वी गर्नका लागी नेपालको निजि क्षेत्र र गैर-आवासीय नेपालीबिचको साझेदारी,सानो तथा मध्यम स्तरको आय आर्जन भएका गैर-आवासीय नेपालीहरुको सहभागिता गराउन त यूवा उधमशिलता प्रबर्धन र बिकाशमा अग्रसर रहन अन्तर्राष्ट्रिय समन्वय परिषदलाई अनुरोध गर्दछ|

११)गैर-आवासीय नेपाली संघ नेपालमा विधिवत रुपमा दर्ता भै सकेको अवस्थामा राष्ट्रिय समन्वय परिषदका सम्पूर्ण क्रियाकलापहरु विधिसम्मत रहनु पर्ने तथा राष्ट्रिय समन्यव परिषदका बिधानहरुमा अन्तराष्ट्रिय समन्यव परिषदको बिधान संग एकरुपता आउनु पर्ने लगायतका विषयहरुमा प्रतिवद्धता जाहेर गर्दछ|

१२)सातौँ युरोपियन बैठकबाट बचत हुने रकमलाई गैर-आवासीय नेपाली संघले निर्माण गर्ने शंखमुल उधान,राष्ट्रिय समन्यव परिषद स्पेनको परोपकारी परियोजना र गैर-आवासीय नेपाली संघको आफ्नै भवन निर्माणका लागी रकम हस्तान्तरण गर्ने निर्णय गर्दछ|

१३) सातौँ युरोपियन बैठक सम्पन्न गर्न सहयोग गर्ने आतिथ्य राष्ट्रिय समन्यव परिषद स्पेन लगायत अन्य राष्ट्रिय समन्वय परिषदहरु,स्थानीय स्वयंसेवक,प्रायोजक,कलाकार,रक्तदानमा सहभागी रक्तदाता,संचारकर्मी,स्थानीय संघ-संस्थाहरु लगायत सबै पक्षलाई यो बैठक धन्यवाद व्यक्त गर्दछ|तथा युरोपका नेपाल पत्रकार महासंघको युरोप र बेलायत शाखाहरु तथा अन्य संघ-संस्थाहरुसंग समन्यव गर्ने प्रतिवद्वता व्यक्त गर्दछ|

१४)आगामी युरोपियन क्षेत्रीय बैठकको आतिथ्यता गर्नको लागी राष्ट्रिय समन्यव परिषद बेल्जियम,फिनल्याण्ड,जर्मनी,र डेनमार्कले ईच्छा गरेकोमा सबै राष्ट्रिय परिषदलाई धन्यवाद दिदै आठौं युरोपियन क्षेत्रीय बैठक सन् २०१५ मा डेनमार्कको कोपनहेगनमा आयोजना गर्ने निर्णय गर्दछ|

Jun 062014
 
Share on FacebookTweet about this on TwitterShare on Google+Print this page

10296804_1512696282287046_1992931373458631257_nबार्सिलोना (स्पेन) , गैरआवासीय नेपाली संघ (एनआरएन) को शनिवारदेखि शुरु हुने सातौँ युरोपियन बैठक तथा पाचौँ महिला भेलाको पूर्व सन्ध्यामा नेपाली कला, संस्कृति र पर्यटन प्रवर्द्धनको लागि एनआरएन स्पेन, नेपाली दूतावास पेरिस र स्पेनका लागि नेपाली कन्सुलर कार्यालयको संयुक्त आयोजनामा शुक्रवार बार्सिलोनामा ‘नेपाल प्रवर्धन साँझ’ सम्पन्न भयो |

कार्यक्रममा नेपाल सरकारका पूर्व उर्जामन्त्री डा.प्रकाशशरण महत, फ्रान्सका लागि नेपाली राजदूत कृष्णमोहन श्रेष्ठ, एनआरएन अध्यक्ष शेष घले, युरोपका २७ वटै देशका गैर आवासीय नेपाली संघका पदाधिकारीहरु, सदस्यहरु, केन्द्रिय सदस्यहरु, पूर्व केन्द्रीय अध्यक्षका साथै  स्पेनिस नागरिकहरु सहभागी भएका थिए | उक्त अवसरमा सागरमाथा आरोही स्पेनिस नागरिकहरुको सम्मानार्थ ‘रिसेप्सन अफ एभरेष्ट सबमिटर्स’ कार्यक्रमको समेत आयोजना गरीएको थियो| कार्यक्रममा नेपाली कलाकारहरुले नेपाली बहुसांस्कृतिक गित, नृत्य र संगीतले मनोरंजन प्रदान गरेका थिए| कार्यक्रममा वक्ताहरुले नेपाल र स्पेनबिचको सम्वन्धको साथै नेपालको वर्तमान अवस्था र लगानीको बिषयमा जानकारी गराएका थिए|

शनिवार देखि क्षेत्रीय बैठक शुरु हुदैछ| बैठकमा नेपाली नागरिकताको निरन्तरता,युवा शसक्तिकरण,कल्याणकारी कार्यका साथै बैदेशिक रोजगार र सुरक्षित आप्रवास जस्ता कुराहरुलाई बिशेष महत्वका साथ छलफल गरीने आयोजकले बताएका छन| यसका साथै एनआरएनले बिगतदेखि भन्दै र गर्दै आएका कार्यहरुको पनि मूल्यांकन गरीने भएको छ| सम्मेलन आईतवारसम्म चल्नेछ| 103 फोटो /युवराज गुरुङ

 

Jun 032014
 
Share on FacebookTweet about this on TwitterShare on Google+Print this page

photo nrnस्पेनको वार्सिलोनामा यहि जुन ७-८ गैर आवासीय नेपाली संघ(एनआरएन)को सातौ युरोपियन क्षेत्रिय बैठक तथा पाचौ महिला भेला सम्पन हुन गैरहेको छ।संघ गठन भएको एक दशक पछी यसलाई नेपाल सरकारले बिधिबत   रुपमा दर्ता गरी मान्यता दिए पछिको बैठक भएकोले बिशेष हुने आयोजकले बताएका छन|‘युरोपमा एनआरएन अभियान,नेपाल र नेपालीको पहिचान’ भन्ने नारा सहित परिष्कृत र भव्य रुपमा  सम्पन्न गर्न लागिएको सम्मेलनमा नेपाली नागरिकताको निरन्तरता,युवाहरुको शसक्तिकरण,कल्याणकारी कार्यहरु,बैदेशिक रोजगार र सुरक्षित आप्रवास जस्ता कुराहरुलाई बिशेष महत्वका साथ छलफल गरीने एनआरएन युरोप संयोजक अर्जुनकुमार श्रेष्ठले बताए|

सामुहिक लगानी,शिप र ज्ञानको हस्तान्तरण,कल्याणकारी कार्य तथा नेपालको प्रवर्धन र नेपाली डायस्पोराको आयाम जस्ता एनआरएनले बिगत देखि भन्दै र गर्दै आएका कुराहरुको प्रभावकारीताको बारेमा मुल्यांकन गरीने भएको छ भने दोश्रो पुस्तालाई एनआरएन अभियानमा सक्रिय बनाउनको लागी पहिलो पटक युवा सत्रको शुरुवाती गर्ने भएको छ| नेपाली कला,संस्कृति र पर्यटन प्रवर्धनको लागी एनआरएन स्पेन,नेपाली दूतावास पेरिस र स्पेनका लागी नेपाली कन्सुलर कार्यालयले संयुक्त रुपमा ६ जुनमा बार्सिलोनामा ‘नेपाल प्रवर्धन साझ’को समेत आयोजना गरीएको छ |कार्यक्रममा सगरमाथा आरोहण गरीसकेका झन्डै ५० स्पेनिसहरुको सहभागिता रहने उल्लेख गर्दै उनीहरुको  सम्मानमा ‘रिसेप्सन अफ एभरेष्ट सबमिटर्स’ कार्यक्रमको समेत आयोजना गरीएको छ|

सम्मेलनमा भाग लिनको लागी नेपालका परराष्ट्रमंत्री,परराष्ट्र सचिब,युरोप क्षेत्रका राजदूत तथा सफल उधोगी र ब्यापारीहरुलगायत सयौलाई आमन्त्रण गरीएको एनआरएन स्पेनका अध्यक्ष एकराज गिरीले जानकारी गराए |युरोपका २७ वटै देशका गैर आवासीय नेपाली सघका पदाधिकारीहरु, सदस्यहरु, केन्द्रिय सदस्यहरुका साथै पूर्व केन्द्रीय अध्यक्षहरुसहित २०० भन्दा बढीको सहभागी रहने आशा राखिएको सम्मेलनमा स्पेनिस कन्सिलर मार्फत सगरमाथा आरोहीका केहि स्पेनिस संस्थाहरुलाई समेत आमन्त्रण गरीएकोमा कासा एसिया डाईरेक्टर जनरलका साथै क्यातालुनियाका आप्रवासी बिभाग प्रमुखको उपस्थिति रहने गिरीले जनाएका छन|एनआरएनका लक्ष्य र उद्वेश्यलाई सफल बनाउनको साथै आगामी केन्द्रिय अधिबेशनको दृष्ट्रिकोणले पनि यो भेलालाई महत्वका साथ हेरीएको छ|