Aug 212014
 
Share on FacebookTweet about this on TwitterShare on Google+Print this page

राजधानी ब्रसेल्समा बेल्जियन प्रधानमन्त्रीको ल्यापटप चोरिएको समाचार यहाँका पत्रिकाले उल्लेख गरेका छन् ।

elio-di-rupo-प्रधानमन्त्री एलियो दी रूपो त्रोनको एक व्यायाममा गएका बेला उनका ड्राइभर पत्रिका पसल गएको र त्यही बेला उनको अाैडी-६ मोडलको कारको पछिल्लो सीसा फोडी ल्यापटप र कोट-पाइन्टको ड्रेस चोरिएको बताइएको छ ।

ल्यापटप पछि फिर्ता भएको तर चोर भने हालसम्म नपक्रिएको थाहा भएको छ ।
शुरूमा ल्यापटपमा राज्य र राजपरिवारबारे संवेदनशील सूचना रहेको समाचार आए पनि पछि त्यस्तो संवेदनशील सूचना नभइ प्रधानमन्त्रीका कार्यसूचिहरू जस्ता सामान्य कुरा मात्र रहेको स्पष्टिकरण दिइएको छ ।

May 312013
 
Share on FacebookTweet about this on TwitterShare on Google+Print this page

elio-di-rupo-बेल्जियमका प्रधानमन्त्री एलियो दि रूपोको व्यक्तिगत ईमेल खाता ह्याकर्सहरूले ह्याकिङ गरेको तथ्य सार्वजनिक भएको छ । ‘दि मोर्गन’ नामक दैनिक पत्रिकाले एक CD-ROM मा ह्याकर्सहरूबाट चोरी गरिएको इमेल प्राप्त भएको खबर छापेको छ । प्रधानमन्त्री रूपोको व्यक्तिगत ईमेल खाता Skynet.be बाट सयौँ मेल चोरी भएको हो ।
सन् २००४ देखि २००८ को अवधिमा चोरिएका ती मेलहरू ज्यादातर व्यक्तिगत रहेको पत्रिकाले जनाएको छ । सो अवधिमा रूपो फ्रेन्चभाषी सोसलिस्ट पार्टीका अध्यक्ष थिए भने झण्डै एक वर्ष फ्रेन्च समुदायको राज्य वालोनियाका प्रमुख मन्त्री थिए ।
इमेल ह्याकिङको समाचार सार्वजनिक भएपछि प्रधानमन्त्री रूपोले भनेका छन्- ‘हरेक व्यक्तिको नीजि जीवन हुन्छ । जुन संरक्षित हुनुपर्छ । जसले नीजि जीवनको सम्मान गर्दैन त्यो आपराधिक हुन्छ र त्यसै अनुसार कार्यवाही हुन्छ ।‘
ह्याकिङ कसले गर्यो भन्ने सवाल अहिले गम्भिर चर्चाको विषय बनेको छ । बेल्जियन प्रहरीको कम्युटर अपराधसम्बन्धी ब्युरोका प्रमुखले भनेका छन् । ‘ह्याकर समात्ने कुरा उसको कुशलतामा निर्भर गर्छ । तथापि, ह्याकर को हो भन्ने कुरा प्रायशः थाहा लाग्छ ।‘