Oct 012014
 
Share on FacebookTweet about this on TwitterShare on Google+Print this page

प्रधानमन्त्री सुशील कोइरालाले आज मंगलबार लक्जेम्बर्गका प्रधानमन्त्री तथा युरोपियन कमिसनका अध्यक्षलाई भेट्नुभयो । कोइरालाले दिउँसो लक्जेम्बर्गका समकक्षी जाभिए बेतेलसँग लक्जेम्बर्ग सिटीस्थित प्रधानमन्त्रीको कार्यालयमा भेटवार्ता गर्नुभएको हो । भेटवार्तामा नेपाल र लक्जेम्बर्गवीचको द्वीपक्षीय सम्बन्धका विविध पक्षहरुको साथै आपसी चासोका विषयहरुमा विचारको आदानप्रदान भयो । भेटवार्ताको अवसरमा प्रधानमन्त्री कोइरालाले नेपाल–लक्जेम्बर्ग सम्बन्धको चर्चा गर्दै शिक्षा, स्वास्थ्य तथा पर्यावरण संरक्षणको क्षेत्रमा विभिन्न गैरसरकारी संस्थामार्फत लक्जेम्बर्गले प्रदान गरेको सहयोगप्रति आभार प्रकट गर्नुभयो । सो अवसरमा प्रधानमन्त्रीले आफ्ना समकक्षीसँग नेपाललाई प्रत्यक्ष विकास सहायता सूचिमा राख्न अनुरोध समेत गर्नुभयो ।
EC-President meets Koiralaजवाफमा लक्जेम्बर्गका प्रधानमन्त्री बेतेलले लक्जेम्बर्गले संयुक्त राष्ट्रसंघ र युरोपियन युनियन जस्ता बहुपक्षीय संस्थाहरु एवम् रेडक्रस र स्काउटजस्ता अन्तर्राष्ट्रिय मानवीय संस्थाहरुमार्फत विगतदेखि दिँदै आएको आफ्नो सहयोग आगामी दिनहरुमा जारी राख्दै नेपालको विकास प्रयासमा सहयोग गर्ने तत्परता व्यक्त गर्नुभयो । हाल नेपालले हासिल गरेको लोकतान्त्रिक शासन व्यवस्था तर्फको उपलब्धिको प्रशंसा गर्दै मानव अधिकार, कानूनी शासन, मौलिक स्वतन्त्रता जस्ता समान सार्वभौम विश्व मूल्यहरुले दुवै देशलाई आगामी दिनहरुमा अझ घनिष्ठ सहयात्रामा अघि बढ्न आधार प्रदान गर्ने विश्वास व्यक्त गर्नुभयो । प्रधानमन्त्री कोइरालाले दिनुभएको नेपाल भ्रमणको निमन्त्रणालाई लक्जेम्वर्गका प्रधानमन्त्रीले सहर्ष स्वीकार गर्दै भ्रमण कार्यक्रम तय गरी निकट भविष्यमा जानकारी दिने कुरा उल्लेख गर्नुभयो ।
आजै साँझ प्रधानमन्त्री कोइरालाले युरोपियन कमिसनका अध्यक्ष जोसे मानुअल बारोसोसँग युरोपियन कमिसनको ब्रसेल्सस्थित मुख्यालयमा भेटवार्ता गर्नुभयो । सो अवसरमा वहाँहरुवीच नेपाल र युरोपियन युनियनवीच विकास सहयोगका साथै द्वीपक्षीय सम्बन्धका विविध पक्षहरुमा विचारको आदानप्रदान भयो ।
भेटवार्ताको अवसरमा प्रधानमन्त्री कोइरालाले युरोपियन युनियनले नेपालमा लोकतन्त्रको सँस्थागत विकास तथा नेपालको सामाजिक तथा आर्थिक विकासको लागि प्रदान गरेको सहयोग तथा सदभावको लागि हार्दिक आभार प्रकट गर्नुभयो । नेपालको संविधान लेखन सम्बन्धी पछिल्लो विकासक्रम बारे जानकारी दिँदै कोइरालाले राजनैतिक दलहरुवीचको सहमतिको आधारमा तोकिएकै समयमा संविधान बनाउनका लागि सरकारले अधिकतम लचकताका साथ प्रयास गरिरहेको जानकारी दिनुभयो ।

 

फोटोहरू- नेपाली राजदूतावास, ब्रसेल्स

फोटोहरू- नेपाली राजदूतावास, ब्रसेल्स

यसै क्रममा कमिसनका अध्यक्ष बमरोसोले नेपालको वर्तमान राजनीतिक एवम् आर्थिक अवस्थाबारे चासो राख्दै नेपालको शान्ति र संविधानतर्फको यात्रामा युरोपियन युनियनले एउटा भरपर्दो मित्रको रुपमा आफ्नो सहयोग जारी राख्ने कुरा बताउनुभयो । उहाँले नेपालले तोकिएको समयमा संविधान लेखनको कार्य सम्पन्न गरी स्थानीय निकायको निर्वाचन सम्पन्न गर्ने आशा व्यक्त गर्नुभयो । सहस्राब्दी विकास लक्ष्य हासिल गर्नमा नेपालले उल्लेख्य सफलता हासिल गरेको उल्लेख गर्दै बारोसोले नेपाल सन् २०२२ सम्ममा अति कम विकसित मुलुकबाट विकासशील मुलुकमा रुपान्तरण हुने आशा व्यक्त गर्नुभयो ।
उहाँले नेपालको नयाँ विकास सहायता नीति अन्तर्गत प्राथमिकता प्राप्त कार्यक्रमहरुलाई सहयोग पुग्ने गरी ग्रामीण विकास, सुशासन, व्यवसायिक शिक्षाका क्षेत्रहरुमा युरोपियन युनियनले आफ्नो सहायता केन्द्रित गर्ने  जनाउनुभयो । सो अवसरमा उहाँले अति कम विकसित मुलुकहरुको साझा चासोका विषयहरु जस्तै, अन्तर्राष्ट्रिय बजारमा सहज पहुँच, व्यापार क्षमता विस्तार, जलवायु परिवर्तनका नकारात्मक असरविरुद्ध आवश्यक वित्तीय श्रोत लगायतका मुद्दाहरूमा युरोपियन युनियनले सकारात्मक भूमिका खेल्ने समेत बताउनुभयो ।
दुवै भेटवार्ताहरुमा श्री कोइरालाको साथमा का.मु. परराष्ट्र सचिव शंकरदास वैरागी तथा युरोपियन युनियनका लागि नेपाली राजदूत राममणि पोखरेल सहभागी हुनुहुन्थ्यो ।
प्रधानमन्त्री कोइरालाले भोली युरोपस्थित प्रवासी नेपालीहरुसँग भेटघाट गर्ने कार्यक्रम रहेको छ । प्रधानमन्त्री कोइराला भोलि साँझ युरोपको तीन दिवसीय भ्रमण पुरा गरी स्वदेश फर्कँदै हुनुहुन्छ ।

Sep 292014
 
Share on FacebookTweet about this on TwitterShare on Google+Print this page

संयुक्त राष्ट्रसङ्घको महासभामा भागलिएपछि आज बिहान बेल्जियम आइपुगेका प्रधानमन्त्री सुशील कोइरालाले युरोपेली काउन्सीलका अध्यक्ष हर्मन भान रोम्पोइसंग आजै दिउँसो शिष्टाचार भेट गरे । भेटका अवसरमा यूरोपियन युनियन र नेपालको द्वीपक्षीय हितका बारेमा छलफल भएको थियो ।

आजै प्रधानमन्त्री सुशील कोइरालाले युरोपेली मुलुकका नेपाली राजदुतहरुलाई निर्देशन दिए । निर्देशन दिने क्रममा गैर आवशीय नेपालीहरुलाई मुलुक निर्माणमा सहभागी गराउन आर्थिक कुटनीति प्रभावकारी पार्न कोइरालाले जोड दिए ।

कोइराला र इ.यु. अध्यक्षबीच भेट

कोइराला र इ.यु. अध्यक्षबीच भेट

प्रधानमन्त्री कोइरालाले बेल्जियमका आफ्ना समकक्षी एलियो दि रुपोसँग बुधबार भेटवार्ता गर्नुहुने कार्यक्रम रहेको छ । कोइरालाले आजै एेतिहासिक स्थल वाटर लू लगायत केही महत्वपूर्ण स्थलको भ्रमण र दृश्यावलोकनसमेत गर्ने कार्यक्रम रहेको छ । फ्रान्सका तत्कालीन शासक नेपोलियन बोनापार्टले बेलायत, पर्सिया र अष्ट्रियाको गठबन्धनको १८१५ को युद्धमा वाटर लूमा पराजय भोग्नुपरेको थियो र उनको विजयी अभियान त्यहीँ रोकिएको थियो ।

प्रधानमन्त्री कोइराला भोलि लक्जम्बर्ग जाने कार्यक्रम तय भएको छ । त्यहाँ लक्जेम्बर्गका प्रधानमन्त्री जेभियर वेतलसंग प्रधानमन्त्री कार्यालयमा औपचारिक भेटघाट गर्ने कार्यक्रम रहेको छ |

Sep 272014
 
Share on FacebookTweet about this on TwitterShare on Google+Print this page

Belgian F16इस्लामिक राज्यका निम्ति लडीरहेका जिहादीहरू (IS) का विरूद्ध लड्न बेल्जियमले इराकमा फाइटर प्लेन पठाएको छ ।

संसदको तल्लो सभाले अनुमति दिएपछि आज शनीवार बेल्जियमका ६ वटा F-16  फाइटर प्लेन मध्यपूर्वतर्फ उडेका छन् । बेल्जियन फाइटर प्लेनहरू अमेरीकी नेतृत्वमा IS जिहादीहरूविरूद्भ इराकको आकासमा परिचालित हुनेछन् ।

Sep 262014
 
Share on FacebookTweet about this on TwitterShare on Google+Print this page

ब्रसेल्सबाट ड्राइभिङ लाइसेन्स लिँदै हुनुहुन्छ भने अब नयाँ खालको तयारी गर्नुपर्ने भएको छ । यसअघि पुरै बेल्जियममा एकै खालको सैद्धान्तिक प्रश्नहरू सोधिन्थ्यो । अब ब्रसेल्स क्षेत्रबाट जाँच दिँदा नयाँ खालका प्रश्नहरू सामना गर्नुपर्नेछ ।

Belgian driving licenseपहिले बेल्जियमको देशभरिका प्रश्नहरू सँघीय रूपमा बनाइने गरेकोमा पछिल्लो पटकको राज्य पुर्संरचनामा क्षेत्रिय कम्युनिटीलाइ यो अधिकार प्रत्यायोजित गरेपछि ब्रसेल्स क्षेत्रले नयाँ प्रश्नहरू थपेको यहाँको स्थानीय सरकारको सचिवले बताएकी छन् । यस्ता नयाँ प्रश्नहरूमा ठूला सहरहरूमा सामना गर्नुपर्ने ट्राफिक खतरासम्बन्धीत प्रश्नहरू थपिएको बताइएको छ ।

Sep 242014
 
Share on FacebookTweet about this on TwitterShare on Google+Print this page

प्रति व्यक्ति आर्थिक सम्पत्तिका हिसाबले बेल्जियम संसार कै तेस्रो धनी देश बनेको छ ।

Grand-place_brussels_belgiumजर्मन इन्सुरेन्स कम्पनी अलियान्जले सार्वजनिक गरेको ‘ग्लोबल वेल्थ रिपोर्ट’ का अनुसार प्रत्येक नागरिकको सम्पत्तिका हिसाबले नर्वेका जनता सबैभन्दा धनी छन् भने यु.एस.ए. दोस्रो स्थानमा रहेको छ । त्यस्तै चौथो स्थानमा नेदरल्याण्डस्, पाँचौँमा जापान, छैटौँ स्वेडेन, सातौँ ताइवान, आठौँ क्यानडा, नवौँ सिंगापुर र दसौँ स्थानमा यु.के. रहेका छन् ।
रिपोर्टअनुसार बेल्जियम युरोप मै अत्यन्त कम ऋण भएको देशमा पर्छ भने बचतका हिसाबले उच्च दरमा रहेको छ ।

Sep 112014
 
Share on FacebookTweet about this on TwitterShare on Google+Print this page

Sushil Koiralaप्रधानमन्त्री शुशील कोइराला सेप्टेम्बरको अन्तमा ब्रसेल्स भ्रमणमा आउने भएका छन् । सँयुक्त राष्ट्र सँघको महासभामा भाग लिएपछि फर्कने क्रममा युरोपेली सँघको राजधानी ब्रसेल्समा आउने कार्यक्रमको तयारीका लागि प्रधानमन्त्री कार्यालय र ब्रसेल्सस्थित नेपाली राजदूतावास जुटीरहेका छन् । सेप्टेम्बर २९ मा आएर प्रधानमन्त्री अक्टोबर १ मा फर्कनेछन् ।

ब्रसेल्समा प्रधानमन्त्री शुशील कोइरालाको युरोपेली सँघका अध्यक्ष हर्मन भान रोम्पोइसँग भेटवार्ता गर्ने कार्यक्रम बनेको छ । बेल्जियमका कामचलाउ प्रधानमन्त्रीसँग भेट्ने कार्यक्रम छलफलका क्रममा रहेको बुझिएको छ । त्यस्तै प्रधानमन्त्री कोइरालाले युरोपमा रहेका राजदूतहरूलाई निर्देशन दिने र बेल्जियममा रहेका नेपालीहरूसँग अन्तरकृया गर्ने कार्यक्रम रहेको छ ।

May 262014
 
Share on FacebookTweet about this on TwitterShare on Google+Print this page

हिजो सम्पन्न बेल्जियमको संघीय र प्रान्तीय निर्वाचनमा भाग लिएका नेपाली उमेदवारहरूले खासै सफलता प्राप्त गर्न नसकेता पनि स्थानीय राजनीतिमा आफ्नो जग बसाएका छन् ।

वेल्जियमको संसदीय निर्वाचनमा नेपाली मूलका तीन उमेद्वार थिए । त्यसमा एक जना फेडेरल सँसदका लागि मैदानमा थिए भने दुई उमेदवारहरू फ्लेमिश संसदका निम्ति चुनावी दौडमा थिए ।

10260022_10200858055132341_2746841700401751823_nसंघीय संसदको उमेद्वार रहेका फ्लेमिश ग्रोनका (ग्रीन पार्टी) खड्गवहादुर केसीले २७७३ व्यक्तीगत मत प्राप्त गरे । उनले भ्लाम्स ब्राबान्त प्रोभिन्सबाट चुनाव लडेका थिए । उनको पार्टीले चुनावमा राम्रो प्रगति गरेता पनि विजयी हुने संभावनाबाट उनको मत टाढै रह्यो । १५० सदस्यीय संघीय प्रतिनिधि सभामा उनको प्रोभिन्सबाट १५ साँसद निर्वाचित भएकामा उनको पार्टीका एक जना निर्वाचित भएका छन् । ग्रोन पार्टीबाट चुनाव लडेकामा उनको स्थान आठौँ रहेको थियो । उनले पार्टी र स्थानीय राजनीतिमा आभारभूमि खडा गरेका छन् । केसी यसअघि पनि स्थानिय नगरपालिकाको निर्वाचनमा पार्टी उमेद्वार रहेका थिए ।

भ्लाम्स पार्लियामेन्टका लागि सि. डि. एण्ड भे. पार्टीबाट उमेद्वार वनेकी लिला शर्माले २७४१ व्यक्तीगत मत प्राप्त गरिन् । जुन मत सँख्या सम्मानजनक रहे पनि विजयी हुनको लागि थुप्रैलाई उछिन्नु पर्ने नतिजा बन्यो । उनको पार्टीले उठाएका ३३ उमेदवारमा उनको स्थान समग्र मतमा २८ औँ रह्यो भने व्यक्तीगत मत सँख्याको हिसाबले ३१ औँ बन्न पुग्यो । १२४ सदस्यीय भ्लाम्स पार्लियामेन्टमा उनको एन्टवरपेन क्षेत्रबाट ३३ विधायक चुनिनेमा उनको पार्टीका ७ जना निर्वाचित भएका छन् । शर्मा यसअघि पनि स्थानिय नगरपालिका निर्वाचनको लागि पार्टी उमेद्वार रहेकी थिइन् ।

Birman Magarत्यसैगरी भ्लाम्स पार्लियामेन्टका लागि अर्का नेपाली उमेदवार थिए- विरमान घर्ती मगर । उनी भ्लाम्स ब्राबान्त प्रोभिन्सबाट पी.भी.डि.ए. प्लस (फ्लेमिश कम्युनिष्ट) पार्टीबाट चुनाव लडेका थिए । विरमान घर्ती मगरले २१० मत पाए । उनको राजनैतिक दलले वेल्जियममा राष्ट्रीय पार्टीको मान्यता पाउने थ्रेस होल्ड छुन सकेको छैन र सँसदमा कुनै उपस्थिती छैन ।

नेपालमा समाज सेवा गरिरहेकी ‘नेपालकी साथी’ आन मोरेनहाउतले भ्लाम्स ब्राबान्त प्रोभिन्सबाट भ्लाम्स पार्लियामेन्टमा निर्वाचित भएकी छन् । निर्वाचन क्रममा उनले नेपाली समुदायसँग बृहद् अन्तरकृया गरी नेपालमा थप समाज सेवामा लाग्ने प्रण गरेकी थिइन् ।

फेडरल सरकार
बेल्जियमको संघीय संसदमा फ्लेमिश राष्ट्रवादी NVA पार्टीले शानदार विजय हासिल गरी देशको सबैभन्दा ठूलो पार्टीमा अझ मजबुत भएको छ भने फ्लेमिश जातिवादी Vlaams Belang बेस्करी खुम्चिएको छ । त्यस्तै, ग्रोन पार्टीले पनि स्थिति सुधार गरेको छ ।
BDW
उता, फ्रेन्चभाषी पार्टीहरूमा प्रधानमन्त्री एलियो दि रूपोको सोसलिस्ट पार्टीले केही क्षति ब्यहोरेको भए पनि फ्रेन्च पार्टको सबैभन्दा ठूलो दल र मुलुकको दोस्रो ठुलो दल कायम रहेको छ । फ्रेन्चभाषी उदारवादी MR ले प्रगति गरेको छ र मुलुकको तेस्रो ठुलो दल बनेको छ भने फ्रेन्च हरित पार्टी Ecolo ले हरूवाको नियति भोगेको छ ।
१५० सदस्य रहने प्रतिनिधि सभामा NVA ले ३४, फ्रेन्च सोसलिस्ट PS ले २५, फ्रेन्च उदारवादी MR ले १९, फ्लेमिश क्रिश्चियन डेमोक्रेट CD&V ले १८, फ्लेमिश उदारवादी open VLD ले १४, फ्लेमिश सोसलिस्ट S.p.a. ले १२ , फ्रेन्च क्रिश्चियन डेमोक्रेट cdh ले ८, फ्लेमिश हरित पार्टी ग्रोन ६, फ्रेन्च हरित पार्टी Ecolo ले ६ स्थान पाएका छन् ।
चुनावी परिणामलाई विश्लेषण गर्दा केन्द्रीय सरकार निर्माण जटील हुने निश्चितप्रायः छ ।

फ्लेमिश राष्ट्रवादी NVA सबैभन्दा ठुलो दल भए पनि उसँग संयुक्त सरकार बनाउनको लागि सबै फ्रेन्चभाषी दलहरू असहयोगी हुनेछन् । NVA को नेतृत्वमा संयुक्त सरकार बनाउन CD&V बाहेक अन्य दलहरू लालयीत हुने छैनन्, तर NVA लाई बाहिर राखेर पुनः सरकार निर्माण गर्नु जनमतको उपहास हुनेछ ।