Aug 092014
 
Share on FacebookTweet about this on TwitterShare on Google+Print this page

महिनावारी हुदा घरमा सुते देउता रिसाउने तथा घरमा अनिष्ट हुने अन्ध बिस्वासका कारण सुदूरपश्चिमको पहाडी जिल्लाका महिनावारी भएका महिला गोठमै बास बस्ने परम्परा कायम रहेको छ ।

Women in western Nepalमहिनावारी हुदाको समय सम्म गोठमै बस्ने बर्षौं देखिको रुढीवादी परम्पराले सुदूरपश्चिमका सात पहाडी जिल्लाका महिला अझै टाढा हुन सकिरहेका छैनन् । बैतडी, डडेलधुरा, दार्चुला, बझाङ, बाजुरा,अछाम र डोटी लगायतका विकट पहाडी जिल्लाका गाविसमा यो प्रथाले निरन्तरता तोड्न नसकिरएको हो ।

विभिन्न जनचेतनामूलक कार्यक्रमका कारण यहाँका पहाडी जिल्लाका सदरमुकाम र आसपासका क्षेत्रका महिलाले यो प्रथालाई इन्कार गरिसकेको भए पनि ग्रामीण भेगमा यसको प्रभाव अझै कायम रहेको डोटीका स्थानिय सञ्चारकर्मि कर्ण चन्दले बताउनु भयो । उहाँले भन्नु भयो ‘यहाँका स्थानियको मन बाट जबसम्म महिनावारी प्रतिको अन्ध बिस्वासको अन्त हुदैन तब सम्म यो कुप्रर्था कायमै हुने छ ।’