Jul 032014
 
Share on FacebookTweet about this on TwitterShare on Google+Print this page

आज शुरू एमालेको नवौं महाधिवेशन नयाँ नेतृत्व चयन गर्दै आगामी २५ गते सकिने छ । महाधिवेशनमा देशभरवाट २ हजार ३ सय २५ प्रतिनिधि सहभागी हुने एमालेले जनाएको छ ।
महाधिवेशनमा बरिष्ठ नेता माधवकुमार नेपाल र संसदीय दलका नेता केपी शर्मा ओली समूह प्यानल नै बनाएर चुनावी प्रतिस्पर्धामा देखिएका छन् ।
uml-Oli Nepal Pyanel
ओलीको प्यानल-
अध्यक्षका प्रत्यासी एमाले संसदीय दलका नेता केपी शर्मा ओली समूहको प्यानलको अन्तिम घोषणा भैसकेको छ।

पाँच उपाध्यक्ष, एक महासचिव, दुई सह-सचिव र पाँच सचिवको अन्तिम घोषणा गरेको हो। आजबाट सुरु हुने महाधिवेशनमा ओली समूहले उपाध्यक्षको उम्मेवारमा वामदेव गौतम, विद्या भण्डारी, प्रदिप नेपाल, मुकुन्द न्यौपाने र केशव बडाललाई अघि सारेको छ।
यस्तै महासचिवमा ईश्वर पोखरेलको नाम छानेको छ।

यस्तै विष्णु पौडेल र शंकर पोखरेललाई उपमहासचिव बनाउने भएको छ।
प्रदिप ज्ञवाली, पृथ्वी सुब्बा गुरुङ धर्मनाथप्रसाद साह, रघुविर महासेठ र भानुभक्त ढकाललाई सचिवको उम्मेद्वार उठाएको छ।
नेपाल प्यानल-
नेपाल समूहबाट सबै युवा नेतृत्व रहेकाले पदाधिकारीमा जिम्मेवारी मिलाउन केही सजिलो देखिए पनि सचिवका आकांक्षि बढी देखिएका छन् । आइतवार अबेरसम्म प्रत्येक जिल्लाका कम्तिमा दुईजना प्रमुख नेताहरूसँग छलफल गरेका नेपालले टिम कस्तो बनाउने भन्ने बारेमा सुझाव लिएका थिए ।
आफु निकट नेताहरूसँगको छुट्टा–छुट्टै छलफलपछि नेता नेपालको टिमको उपाध्यक्षमा युवाराज ज्ञवाली, भिम रावल, अष्टलक्ष्मी शाक्यको नाम लगभग पक्का भएको बताइएको छ । दुईजना बाँकी उपाध्यक्षमा लालबाबु पण्डित, राजेन्द्र पाण्डे, रघुजी पन्त, बेदुराम भुषाल मध्यबाट हुने चर्चा छ । पंडितलाई अन्य नेताहरूले भन्दा बिशेष रुपमा नेपालले नै राख्न चाहेका छन् ।
महासचिवमा सुरेन्द्र पाण्डेको पक्का जस्तै भएको छ भने उपमहासचिवमा घनश्याम भुषालको पक्का छ । अर्को उपमहासचिवमा भने हाललाई कसैको नाम चर्चामा आएको छैन । उपाध्यक्ष र उपमहासचिवमा धेरैको चाहना छैन । त्यो भन्दा बढि चाहना सचिवमा छ । एक नेताले भने, ‘उपाध्यक्ष र उपमहासचिवमा प्रस्तावित सबै सचिवको लागि तयार बनेका छन् ।’ यसो हुँदा सचिवमा पशुपति चौलागाई, योगेश भट्टराई, गोकर्ण बिष्ट, पशुराम मेघी गुरुङ, भिम आचार्य, प्रकाश ज्वाला मध्यबाट बन्ने छन् ।
अध्यक्ष झलनाथ खनालले समर्थन गरेमा उनी पक्षिय नेताहरू अचार्य, गोकर्ण बिष्ट, प्रकाश ज्वालालाई उचित जिम्मेवारी दिन नेपाल बाध्य हुनुपर्ने छ । तर तीन जना मध्य एक जनालाई मात्रै सचिव दिन सकिने भनाई नेपाल पक्षीयको छ । नेपालले ओली पक्षीय नेता कृष्णगोपाल श्रेष्ठलाई आफूतर्फ ल्याएर सचिव बनाउने योजना बनाएका छन् । यद्यपि श्रेष्ठ पछिल्लो समयमा नेपाल पक्षीय भएको बताइए पनि यस बारेमा उनले मुख खोलेका छै्रनन् ।

Mar 302013
 
Share on FacebookTweet about this on TwitterShare on Google+Print this page

CPN UMLनेकपा (एमाले)ले आफूसम्बद्ध विदेशमा रहेका प्रवासीहरूको संगठन नेपाली लोकतान्त्रिक मञ्चको नाम परिवर्तन गरेर प्रवासी नेपाली मञ्च (ओएनएफ) बनाएको छ। स्थायी कमिटीको निर्णयको आधारमा गत माघ २३ गतेदेखि लागू हुनेगरी सर्कुलर जारी गर्दै एमालेले उक्त निर्णय गरेको हो।
निर्णयसँगै भारत प्रवासबाहेक संसारभरि फैलिएको संगठनको एउटै नाम हुने भएको छ। यससँगै एमालेले विधि नै नपुर्यारई गठन गरिएको र केही नेताहरूको घुमफिर गर्न जाने माध्यम बनेको पुरानो कमिटीलाई बिदा गरेर विधानसम्मत नयाँ संरचना निर्माण गरेको छ। अब युरोप समन्वय कमिटीमा प्रत्येक देशबाट अध्यक्षहरू पदेन सदस्य
रहनेछन् भने कमिटीले पठाएका एक–अर्का सदस्य पनि रहनेछन्। सँगै युरोपभरि सांगठनिक गतिविधि तीव्र बन्नुका साथै कार्यकर्ताहरू उत्साहित भएका छन्। युरोपका ११ वटा देशहरू– पोर्चुगल, स्पेन फ्रान्स, जर्मनी, इटाली, बेलायत, बेल्जियम, नेदरल्यान्ड, रसिया, नर्वे र ग्रिसमा अधिवेशन गठन तथा पुनःगठनको क्रम सुरु भएको छ। Continue reading »