चिन्तन

Jul 272017
 
Share on FacebookTweet about this on TwitterShare on Google+Print this page

चुनावको मुखमा एनआरएन संघको विवाद:

गैरआवासीय नेपाली (एनआरएन) संघको विश्व सम्मेलनको पूर्वसन्ध्यामा एनआरएन संघ अमेरिकामा ह्वारह्वार्ती फैलिएको विवादले केन्द्रीय नेतृत्वलाई नराम्ररी फँसाएको छ । यो विवादमा केन्द्रीय अध्यक्ष र महासचिव राम्रैसँग टकराएपछि विश्वभरका एनआरएनकर्मीहरूमा पक्ष-विपक्षमा ध्रुविकरण हुन थालेको छ र यसले सन्निकट निर्वाचनमा थप मलजल पाउने र एनआरएन अभियानलाई बदनाम गराउने आशंका बढेको छ ।

संघका अध्यक्ष शेष घले र महासचिव डा. बद्री केसी बीचको टकराव यो पहिलो चोटी होइन । उनीहरूबीच विधानको आ-आफ्नै ब्याख्या गर्दै शक्ति बाँडफाँडको सवालमा पहिले पनि विवाद सतहमा आएको हो । तर यसपटकको विवाद सबैभन्दा ठुलो शाखा अमेरिकाको विषयलाई लिएर भएको छ र आइ.सी.सी. चुनावको मुखमा छ । यस चुनावमा उपाध्यक्षद्वय भवन भट्ट र कुमार पन्तबीच भिडन्त हुने परिस्थिति देखिँदै छ भने महासचिव केसीको नजर उपाध्यक्षमा रहेको  छ । त्यस्तै घलेपत्नि पनि उपाध्यक्षमा प्रतिस्पर्धा गर्ने संभावना रहेको बताइन्छ । चुनावको तिन महिनाअघि भएका यी सारा विवाद र पक्षपोषणको सार चुनावी जोडघटाउ रहेको बताइन्छ ।

पदाधिकारीहरू स्वयं विवादको दलदलमा फँसेको घटनाक्रम देख्दा यो अझ बल्झिने संभावना रहेको चिन्ता एक एनआरएन अभियन्ताले इन्फोमालासँग बताए ।

समस्याको जरो

एनआरएन संघ अमेरिकाका अध्यक्ष पदका आकाँक्षी गौरी जोशीलाई कानूनी खेल खेलेर अस्वीकृत गरिएपछि यो खेलको पटाक्षेप भएको हो । उनलाई बचाउन संघका महासचिव डा. बद्री केसी सक्रिय भएपछि केसीको विरूद्धमा घले उत्रेका हुन् ।

हालसम्म कुनै कार्यकारिणी जिम्मेवारी पुरा नगरेकोले अध्यक्षको उम्मेदवार हुन लायक नहुने निर्णय एनआरएन संघ अमेरिकाको निर्वाचन समितिले दिएपछि त्यो बद्नियतपूर्ण रहेको भन्दै अमेरिकाको राष्ट्रिय समन्वय परिषदको कार्यकारी सदस्यको हैसियतमा गौरी जोशीले ‪२००७/२००९ को कार्यसमितिमा रहेर काम गरेको रेकर्ड रहेको पत्र महासचिव डा. बद्री केसीले उपलब्ध गराइदिएका थिए । त्यसअघि, अमेरिकाको निर्वाचन समितिले योग्यता नपुगेको भन्दै जोशीको नाम उम्मेदवार सूचिमा प्रकाशित गर्न अस्वीकार गरेको थियो । त्यसपछि जोशीले आफूले काम गरेको रेकर्ड उपलब्ध गराइदिन पत्राचार गरे र महासचिव डा. केसीले उनको रेकर्ड उल्लेख गरी पत्र पठाएका थिए । तर त्यस पत्रले गर्दा अध्यक्ष शेष घले र उनी निकट अमेरिका संयोजक सोनाम लामा आक्रोशित बने । किनकी जोशीलाई उमेदवार हुन नदिने खेलमा सोनाम लामा पनि थिए ।

महासचिवले पठाएको सो पत्रको वैधानिकतामाथि प्रश्न उठाउँदै अध्यक्ष घलेले अर्को पत्र पठाएपछि एनआरएन सँघ अमेरिकाको विवादको भुँमरीमा केन्द्रीय पदाधिकारी परेका हुन्। रेकर्ड सार्वजनिक गर्ने जस्तो गम्भीर विषयमा छलफल नगरिएको भन्दै अध्यक्ष घलेले पत्रको वैधानिकतामाथि प्रश्न उठाउँदै अर्को पत्र लेखेका थिए ।

डा. केसीले भने संघको अभिलेख राख्ने अधिकार एनआरएन विधानले महासचिवलाई दिएको छ भन्दै घलेका बारेमा अनुशासन समितिमा उजुरी गरेका छन् । संघको १४ वर्षको इतिहासमा केन्द्रिय अध्यक्षमाथि अनुशासन समितिमा कारवाहीको माग गर्दै उजुरी परेको यो पहिलो घटना भएको बताइन्छ । यसले गर्दा दोस्रो कार्यकाल सम्पन्न गर्नै लाग्दा घले विवादित बन्न पुगेका छन् । विवाद अझ उग्र बन्दा संघका महासचिव केसीलाई कारबाही गर्न अन्तर्राष्ट्रिय समन्वय समिति अमेरिका क्षेत्रका संयोजक सोनाम लामा र उपसंयोजक एसी शेर्पाले माग गरेका छन् ।

भनिन्छ, अनुशासन समितिमा घलेको पक्षमा बोल्नेहरू अल्पमतमा छन् । र, घले भने आफू निर्वाचित अध्यक्ष भएकाले कार्यकारी अधिकार आफैमा रहेको र त्यसै नझुक्ने मूडमा छन् ।

फ्रेंकफर्टमा पानी संग्लिएला ?

यी घटनाहरूले गर्दा एनआरएन संघको साख गिरेको छ । संघले स्थापनाको दशकमा कमाएको प्रतिष्ठा र उँचाई धमिलिन थालेपछि एनआरएन संघका संस्थापक अभियन्ताहरू चिन्तित र लज्जित भएका छन् । यो विवाद बढ्दै गएर आई.सी.सी. निर्वाचन नै भद्रगोल हुने हो कि भन्ने डर उनीहरूलाई छ ।

यसरी पानी धमिलिएको बेला जर्मनीको फ्रेंकफर्टमा एनआरएन संघको युरोपेली क्षेत्रिय बैठक यही शनिवार र आइतवार आयोजित हुँदैछ । युरोपेली क्षेत्रिय बैठकमा संघका अभियन्ताहरू जमघट हुँदै छन् । त्यसै क्रममा विवाद मत्थर पार्न पहल होस् भन्ने अपेक्षा एनआरएन शुभेच्छुकहरूले गरेका छन् ।

Nov 142016
 
एन.आर.एन. नागरिक अधिकार कुण्ठित गर्ने प्रयास

– डा. विनय श्रेष्ठ नेपालको नयाँ संविधानले राजनीतिक अधिकार बिनाको भए पनि गैर-आवासीय नेपाली नागरिकताको अधिकार प्रत्याभूत गरेपछि गैर-आवासीय नेपालीहरुले यसलाई एक आंशिक सफलताको रुपमा ग्रहण गर्दै खुशीले दंग परेका थिए। तर हालका केही घटनाले [ थप …]

 Tagged with:
Oct 282016
 
बेल्जियममा रक्षामन्त्री खांड संग अन्तरक्रिया सम्पन्न

फ्रान्समा भएको पिस किपिंग सम्वन्धि अन्तर्राष्ट्रिय बैठकमा भाग लिन आएका नेपाल सरकारका रक्षामन्त्रि बालकृष्ण खांड संग गैर आवासीय नेपाली संघ बेल्जियमले अन्तरक्रिया कार्यक्रम सम्पन्न गरेको छ । कार्यक्रममा मन्त्रि खाँडले प्रवासमा रहेका नेपालीहरुले नेपालको राजनीतिक [ थप …]

May 202016
 
बुद्धसम्बन्धी चिर्नुपर्ने भ्रम

गौतम बुद्धको २५६०औँ जयन्तीका अवसरमा यही वैशाख पूर्णिमा (जेठ ८ गते) बुद्धसम्बन्धी भ्रमलाई चिर्नका लागि काठमाडौँमा अन्तर्राष्ट्रिय बौद्ध सम्मेलन र लुम्बिनीमा समारोह आयोजना गरिएको छ । यसअघि पनि बुद्धसम्बन्धी सम्मेलन गरिँदै आएकोमा यसचोटी भने मुलुककै [ थप …]

Mar 302016
 
बुद्ध त्यो युगका महान क्रान्तिकारी अगुवा हुन

-डिल्ली राम अंमाई   विश्वभरि नै २५६०औँ बुद्ध–जयन्ती सन्निकट पुगेर हेर्दा  देशभित्र र बाहिरका नेपालीले बुद्धको जन्मसँग जोडिएको स्थानबारे भारतले फिँजाएको भ्रमको डेटर सामना गरिरहेका छन । उनीहरूले सामाजिक सञ्जालदेखि सडक कार्यक्रमका ब्यानरसम्ममा बुद्ध नेपालको लुम्बिनीमै [ थप …]

Feb 112016
 
प्रवासी नेपालीका संघ-संस्थामा किन हुन्छ विवाद?

– डा. विनय श्रेष्ठ पछिल्लो एक दशकमा युरोपमा नेपाली संघ-संस्थाहरुको स्थापना र गतिविधिहरू ह्वात्तै बढेको छ। समाज सेवाको भावले ओतप्रोत भएर खोलिएका यस्ता थुप्रै संस्थाहरू प्रकृयागत रूपमा चुस्त र आशातीत रूपमा परिणाममुखि हुन सकेका छैनन्। [ थप …]

Jan 212016
 
असल बुहारी कि दाइजो ?

माघ महिना, विवाहको साइत जुर्ने लगनको महिना । धेरै जोडी यो महिनामा विवाह बन्धनमा बाधिँदै छन् । विवाह बन्धनमा बाँधिएका र बाँधिन चाहनेको मनमा कुत्कुती हुन्छ– आफ्नी जीवनसाथीको कुल घरान, सस्कार, योग्यता, चालचलन, कस्तो होला [ थप …]

Jul 112015
 
मस्यौदा,दिल्ली र करण सिंह

 संविधानसभाले दिशा र प्रतिबद्धताविहीन मस्यौदा पारित गरी ‘जनमत’ संकलन गर्ने तयारी गरिरहेको छ। ‘जनमत’ संकलन १५ दिनभित्र आँखामा छारो हाल्ने अर्को कामबाहेक केही साबित हुने छैन।  तर, यसबीच तीन÷चारवटा घटनाक्रमले नेपाली राजनीतिलाई प्रभावित गर्नेछ, यद्यपि [ थप …]

Mar 222015
 
ईपर स्मारकलाई सबैको बनाउन पनि सकिन्छ

“When you come to the end of your rope, tie a knot and hang on.”—Franklin D. Roosevelt अर्थात ‘डोरिको अन्त्यमा आइपुगे पछि त्यसलाई गाँठो पार अनि झुन्ड्याउ’। ता कि बन्धनको डोरिको पोयो नफुकोस र आफु [ थप …]

Jan 032015
 
मित्रताको रहस्य

एक पाश्चात्य लेखकले भनेका थिए मित्रता धन जस्तै हो जसलाई सजिलै कमाउन त सकिन्छ तर निरन्तर सुरक्षित राख्न कठिन छ| जव प्रशन्नताको वातावरण हुन्छ, त्यस समय मित्र बन्दै जान्छन, तर समस्या वा पीडाको समयमा हुदैनन्| [ थप …]

Jun 142014
 
आङसाङ सुकीसहित काठमाडौँमा ‘प्रजातान्त्रिक समाजवादको भविष्य’ बारे विमर्श

विपी चिन्तन प्रतिष्ठानको आयोजनामा प्रजातान्त्रिक समाजवादको भविष्य विषयक अन्तर्राष्ट्रिय सम्मेलन आजदेखि यहाँ सुरु भएको छ। नेपालका प्रथम जननिर्वाचित प्रधानमन्त्री एवम् प्रजातान्त्रिक आन्दोलनका योद्धा जननायक विपी कोइरालाको जन्म शताब्दिका अवसरमा आयोजित सो अन्तर्राष्ट्रिय समाजवादी सम्मेलनको प्रधानमन्त्री [ थप …]

May 192014
 
मदन भण्डारी हुरी बतास भएर आए, त्यसरी नै गए

(सन्दर्भ मदन भण्डारी स्मृति दिवश ) “जनताको राजनीतिमा थकाइ भन्ने हुन्न प्रतिक्रयाबादीहरुले यदि हाम्रो शांतिपूर्ण आन्दोलनलाई दबाउन खोजे भने हामी जनताको हातमा पनि दही जमेर बसेको छैन । प्रतिक्रियाबादी शक्तिहरुमा हामी बिरुद्द उत्रे भने हामी [ थप …]

Mar 312014
 
नेपालबारे जवाहरलाल नेहरुका धारणा

भारतका प्रथम प्रधानमन्त्री जवाहरलाल नेहरुले भारतको नेपालनीतिको जग स्थापना गरेकाले नेपालप्रतिको भारतको दृष्टिकोण बुझ्नुअघि नेहरुको नेपालसम्बन्धी धारणा बुझ्न आवश्यक छ । ग्लिम्सेज अफ वल्र्ड हिस्ट्र, डिस्कभरी अफ इन्डियालगायत आफ्ना किताबमा उनले नेपालबारे उल्लेख गरेका छन् [ थप …]

Feb 102014
 
के ज्योतिषशास्त्र ठगशास्त्र हो त ?

: ज्यो. रत्ननिधि रेग्मी ‘ज्योतिषां नयनं चक्षु: चक्षो सूर्य अजायत । भूत भव्यं भविष्यं च सर्व वेदात्प्रसिद्धयति ।।’ अर्थात् ज्योतिष भनेको आँखा हो, जो सूर्यले देख्न नसकेको कुरा पनि देख्न सक्छ, अरूले नजानेको विषय पनि [ थप …]

Jan 312014
 
युवा बिदेशीनुको बाध्यता – कस्को जिम्मेवारी ?

भर्खरै नेपाललाई माया गर्ने र बिदेशमा हामी बस्नु हुँदैन भन्ने मेरा एकजना मित्रको सोचाईमा यसपटकको नेपाल भ्रमणले एक्कासी परीवर्तन ल्याईदियो । आउँदा आउँदै वहाँले भन्नुभयो, अब म तपाईलाई पढाई सकाएर नेपाल फर्कनुस भन्दिन । बरु [ थप …]