गफगाफ

Sep 292017
 
Share on FacebookTweet about this on TwitterShare on Google+Print this page

– पंचम अधिकारी

अन्ततः एनआरएन संघको अध्यक्ष पदमा जापानका भवन भट्ट र अस्ट्रेलियाकी जमुना गुरूङबीच निर्वाचन हुने देखिएको छ ।

दुई कार्यकाल उपाध्यक्ष भैसकेका भट्टले अध्यक्षका निम्ति आफ्नो उमेदवारी घोषणा गरिसकेका छन् । श्रीमति गुरूङको उमेदवारी भने अझैसम्म घोषणा नभए पनि अक्टोबरको पहिलो हप्ता काठमान्डुमा घोषणा हुने शेष घलेनिकट सूत्रले बताएका छन् ।

अध्यक्ष पदमा तेस्रो पदावधि विधानतः निषेध भएपछि शेष घले रोकिएका हुन् । तर उनले आफ्नी श्रीमति जमुनालाई अगाडि सार्ने योजना मुताबिक हालै अमेरिका र क्यानडा भ्रमण गरेका थिए । यो हप्ता घले दम्पत्तिले युरोपमा सबैभन्दा बढी भोट भएको बेलायत र बेल्जियममा भ्रमण कार्यक्रम सम्पन्न गरे । सार्वजनिक रूपमा घले दम्पत्तिले उमेदवारीबारे केही उल्लेख गरेका छैनन् । तर आफ्ना भित्रियाहरूसँग तयारी गरिरहेका छन् । गत वर्ष न्युजर्सीमा सम्पन्न अमेरिकी क्षेत्रिय बैठकबाट अगाडि सारिएको ‘भिजन २०-२० एण्ड वियोन्ड’ लाई अध्यक्ष घलेले एजेण्डाको रूपमा बोकेर हिंडेका छन् ।

अमेरिका, क्यानडा, बेलायत र बेल्जियममा घलेले बारम्बार एउटै कुरा दोहोर्याएका छन् । त्यो हो, संस्थाभित्र कै केही व्यक्तिले अवरोध गरेका कारण काम गर्न सकिएन । उनले केही व्यक्ति भनेर इंगीत गरेका व्यक्तिहरू एनआरएन कर्मीहरूले प्रष्टसँग बुझेका छन् । उनको संकेत पूर्व अध्यक्षद्वय उपेन्द्र महतो र जीवा लामिछाने तथा महासचिव बद्री केसी हुन् । ‘भिजन २०२०’ का केही बुँदाहरूमा महतो, लामिछाने र केसीले चित्त बुझाएका छैनन् । जुन विचारले प्राधान्य पाउँदा ‘भिजन २०२०’ को पक्षमा पुरै एनआरएन संघ दुई भागमा ध्रुविकरण हुँदैछ । खासगरी संघलाई अध्यक्षात्मक प्रणालीमा लैजान लागेको प्रावधानप्रति धेरैको आपत्ति छ । तर अध्यक्ष घले भने ‘भिजन २०२०’ बारे महतो र लामिछानेले राखेको फरक मतलाई स्वीकार्न नचाहेर एजेण्डाको रूपमा स्थापित गर्ने प्रयास गरिरहेका छन् ।

एनआरएन अभियानमा महतो र लामिछानेको योगदान घाम जत्तिकै छर्लङ्ग भए पनि घले पक्ष अर्को फरक शक्तिका रूपमा स्थापित हुन खोजेको देखिन्छ । घलेले यही ‘भिजन २०२०’ एजेण्डा बोकेर श्रीमति जमुना गुरूङको पक्षमा चुनावमा जान लागेको प्रष्ट भएको छ ।

अध्यक्षका उमेदवार भट्टलाई चुनौति दिने तयारीमा रहेका अर्का उपाध्यक्ष कुमार पन्त अहिले ‘पर्ख र हेर’ को स्थितिमा छन् । पन्तले भट्टको प्रतिस्पर्धीको रूपमा चुनावी तयारी गरिरहेका थिए तर त्रिपक्षिय भिडन्त हुँदा जमुनाले चुनाव जित्ने डरमा अझैसम्म उमेदवारी घोषणा गरेका छैनन् । जमुना उठेमा उनलाई हराउनै पर्छ भन्ने साझा उद्देश्यका निम्ति पन्त भवन भट्टलाई छोड्न तयार देखिएका हुन् र जमुनाको उमेदवारी कुन पदमा आउँछ भनेर कुरेका हुन् । जमुना अध्यक्षमा उठे पन्तले पुनः उपाध्यक्षमा उमेदवारी दिने र दुई वर्षपछि भट्टले पन्तलाई समर्थन गर्ने समझदारी भएको बताइन्छ । भट्ट र पन्तबीच हङकङमा पहिलो चरण र अबुधाबीमा दोस्रो चरणको वार्ता भएको थियो । उपाध्यक्ष पन्तको रणनीतिमा प्रभावशाली पूर्व अध्यक्ष जीवा लामिछानेको धाप रहेको मानिन्छ ।

पन्तले भट्टलाई मैदान खाली गरिदिएपछि पन्त पक्षबाट अन्य पदमा दावा गर्नेहरू हतोत्साही भएका छन् । र त्यही हैरानीमा कतारका टिबी कार्की, बेलायतका विश्वआदर्श पण्डित र बेलायत कै कुल आचार्यले अध्यक्षमा लड्ने हल्ला चलाएका हुन् ।

संघमा परम्परागत रूपमा प्रभावशाली रहेका पूर्व अध्यक्षहरू महतो र लामिछानेलाई अध्यक्ष घलेले एकप्रकारको हाँक दिएका छन् । घले आफै एनआरएन अभियानमा पछिल्लो समयमा आबद्ध भएका हुन् । उनकी श्रीमति जमुना गुरूङ श्रीमानबाट मनोनित आइसीसी सदस्यका रूपमा काम गरे पनि संघमा कहिल्यै निर्वाचित पद हासिल गरेको रेकर्ड छैन । तर पैसा र श्रीमानको प्रभावका कारण उनी अहिले भवन भट्टको प्रमुख चुनौतिका रूपमा स्थापित भएकी छन् । कतिपयले गुरूङ सफल व्यवसायी भए पनि एक कार्यकाल कुनै पदाधिकारी पद पुरा गरेर नेतृत्वमा आउँदा राम्रो हुने ठान्छन् ।

संघको चुनावमा पैसाको चलखेल हुनुको एक प्रमुख दोष यसको निर्वाचन प्रणाली हो । भोट हाल्नका लागि काठमान्डुको विश्व सम्मेलनमा भाग लिनुपर्ने हुँदा धनी उमेदवारको आर्थिक सहयोगमा भोटरहरूको हवाई टिकट स्पोन्सर हुने गरेको छ । जसले काठमान्डुमा बढी भोटर उतार्न सक्यो उसले बढी भोट पाउने हुँदा एनआरएन संघको चुनाव अत्यधीक महंगो बन्दै गएको छ । र, यो महंगो चुनावमा अस्ट्रेलिया र जापानका दुई धनाढ्य आमनेसामने भएका छन् । संघले एक वर्षभरि समाजसेवामा खर्च गर्ने बराबरको बजेट यो एउटै चुनावमा खर्च हुने आँकलन गरिएको छ ।

Feb 142016
 
कुन राशिका प्रेमी कस्ता ? - भ्यालेन्टाइन डे विशेष

मेष : मेष राशि भएकाहरू आकर्षक र प्रभावशाली हुन्छन् । यो राशि भएका पुरुषमा स्त्रीलाई चाँडै पट्याउने क्षमता हुन्छ । उनीहरू हतारमा प्रेममा पर्छन्, त्यसैले उनीहरूको प्रेम प्राय: दिगो हुँदैन । उनीहरू कामुक र रोमान्टिक [ थप …]

Jun 192015
 
सर्वाधीक सुन्दर बेबीगर्ल

मिडियाका अनुसार यी हुन् सर्वाधीक सुन्दर बेबीगर्ल । उनको नाम हो – क्रिस्टीना पिमेनोभा । रसियामा जन्मिएकी यी बालिका ४ वर्षको उमेर मै सुपर मोडल बनेकी छन् ।

Jun 122015
 
डान्स बारमा होइन,ल्होसारमा श्रीमतीसँग नाचेको- सञ्चारमन्त्री रिजाल

कांग्रेस केन्द्रीय सदस्यसमेत रहेका सूचना तथा सञ्चारमन्त्री मीनेन्द्र रिजालले वीस वर्ष पहिला आफ्नी पत्नीसँग नाँच्दै गरेको तस्बिर सामाजिक सञ्जालमा सार्वजनिक गरेका छन् । आफूविरुद्ध आएका समाचारबाट दिक्क रिजालले पत्नीसँग नाँचेको तस्बिर गत मंगलबार बिहानै सार्वजनिक [ थप …]

Oct 302014
 
महँगो मोबाइलका शाैखिन गरिब प्रधानमन्त्री

प्रधानमन्त्री सुशील कोइरालाले गत वर्ष फागुन २८ गते प्रस्तुत गरेको सम्पति विवरणमा घरजग्गा, सुनचाँदी, सेयर, नगद, ऋण आदि चल, अचल सम्पति केही नभएको, मात्र मोबाइल फोन तीन वटा भएको उल्लेख छ। यही सम्पति विवरणका आधारमा उनलाई [ थप …]

Oct 112014
 
प्रधानमन्त्रीको तस्बिर विवादबारे सल्लाहकार मृदुला कोइराला र प्रेस संयोजक के भन्छन् ?

* मैले कट्टु होइन, स्किन कलरको कट्राइज पाइन्ट लगाएकी थिएँ । * त्यो फोटो प्रधानमन्त्रीका प्रेस संयोजक प्रकाश अधिकारीले खिच्नुभएको हो । * प्रधानमन्त्रीले लुंगी लगाएको अवस्थामा खिचेको फोटो तीन–चार वर्षअघि लन्डन जाँदाको हो ।       [ थप …]

Sep 112014
 
हस्तरेखामा धनी हुनेको लक्षण

हस्तरेखा विज्ञानले मानिसको सबै कुरा हातले निर्धारण गर्ने बताउछ । यी रेखा हाम्रो जन्मकै क्रममा बन्ने र यिनको प्रभाव जीवनभर रहने बताइन्छ । हामी धनी हुने व्यक्तिका हातका रेखा कस्ता हुन्छन् भन्ने बिषयमा चर्चा गर्न [ थप …]

Jul 212014
 
पारसलाई ठाउँ छैन  ज्ञानेन्द्र निवासमा

थाइल्यान्ड बस्ने भिसा अवधि समाप्त भएकाले पूर्वयुवराज पारस शाह नेपाल आउने निश्चित भए पनि परिवारमा उनी पुनस्र्थापना हुने सम्भावना अत्यन्त न्यून देखिएको छ। नेपाल आएपछि पारसले निर्मल निवासबाहिरै बास खोज्नुपर्ने अवस्था रहेको बताइएको छ। पारसको [ थप …]

Jul 022014
 
अमिताभ बच्चनले नातिनीलाई  दिए बीएमडब्लु कार उपहार

अमिताभ बच्चनले आफ्नी नातिनी आराध्य बच्चनलाई बीएमडब्लु कार उपहार दिएका छन् |उनले बुधवार नातिनीको जन्म दिनको अवसरमा उपहारको रुपमा उक्त कार दिएका हुन् |आराध्या बच्चन दोश्रो बर्षमा प्रवेश गरेकी छिन |

Jun 202014
 
अमेरिकालाई 'अमिलो अंगुर' भन्नेहरू

‘ताक परे तिवारी नत्र गोतमे’ ! नेपाली समाजमा निकै प्रचलित भनाइ हो यो । प्रसङ्ग अमेरिकामा पलायन भएका केही कलाकर्मीको हो । उता बसुन्जेल अमेरिकालाई मन र मुटुले मान्ने, माया गर्ने अनि दिमाग उतै लगाउनेहरू [ थप …]

May 292014
 
नेपाल र नेपालीको सर्बोपरी हितका लागि केन्द्रित रहनेछौँ : सोम सापकोटा,सह-संयोजक एनआरएन, युरोप

गैर आवासीय नेपाली संघ (एन.आर.एन.) को सातौँ युरोपियन क्षेत्रिय बैठक तथा पाँचौ महिला भेला आगामी जुन ७ र ८ मा स्पेनको बार्सिलोनामा सम्पन हुन गैरहेको छ । भेलाको सरगर्मीसँगै चर्चा परिचर्चा चलिरहेको छ । कुन कुन [ थप …]

May 192014
 
'प्रचारित' रेखा थापाको झगडा छविदेखि राजेश हमालसम्म

रेखा थापाले राजेश हमाललाई ‘असामाजिक’ को संज्ञा दिएपछि उनीहरुबीच बोलचाल बन्द भएको लामो समय भएको नेपाल राष्ट्रिय साप्ताहिकमा छापिएको छ। फिल्ममा पनि सँगै देखिएका छैनन्। रेखालाई कुनै पश्चाताप पनि छैन्। अहिले उनी जंगिदैं भन्छिन् ‘सुटिङ [ थप …]

May 062014
 
आप्रवासीको योगदानले राष्ट्र विकसित हुन्छ भन्ने कुरा मेरो पार्टीले बुझेको छ- बेल्जियन निर्वाचनमा नेपाली महिला उम्मेदवार लीला शर्मा मानन्धर

बेल्जियमको फ्लेमिश पार्टको दोश्रो ठूलो राजनैतिक दल क्रिश्चियन डिमोक्रेटिक पार्टी (CD&V) बाट आसन्न संसदीय निर्वाचनमा फ्लेमिश संसदमा उम्मेदवारी दिनु भएकी नेपाली मूलकी महिला उम्मेदवार श्रीमती लीला शर्मा मानन्धर बेल्जियमको अन्त्वेर्पेंन निर्वाचन क्षेत्रबाट निर्वाचन लड्दै हुनुहुन्छ| [ थप …]

May 022014
 
नेपालीको सम्मान र हितका निम्ति काम गर्नेछु: खड्कबहादुर केसी, बेल्जियन सँसदका उमेदवार

नेपालको पर्वत जिल्ला घर भै बिगत १६ वर्षदेखि बेल्जियम बसोवास गर्दै आउनुभएका  खड्कबहादुर केसी बेल्जियमको आसन्न संसदीय निर्वाचनमा फ्लेमिश ग्रुन पार्टीबाट निर्वाचन लड्दै हुनुहुन्छ | बेल्जियमको राजनीतिमा चर्चित नेपालीभाषी अनुहार केसी गत स्थानीय निर्वाचनमा समेत [ थप …]