पुस्तक

Jul 272017
 
Share on FacebookTweet about this on TwitterShare on Google+Print this page

दीपक राना सिद्धार्थको तीन सन्तान मध्येको सबैभन्दा जेठो छोरो हो । १९ वर्षको उमेरमै सहरका नामूद उद्योगपतिका छोराछोरीसँग उस्को बाक्लो हिमचिम भयो । छोराको साथीसँगाती देख्दा सिद्धार्थ छक्क प‍र्‍यो ।

एकाध वर्षपछि उसले असलियत बुझ्दैछ । ती धनी बाबुका छोराछोरी दीपकसँग नजिकिएका, रत्तिएका त उसको साथमा भैरहने जडीबुटीले पो रहेछ !

“मान्छे एक जूनी जिउँछ । मस्ती गर्नुपर्छ”, दीपकले भन्यो ।

त्यस दिन म सिद्धार्थलाई भेट्न घरमै गएको थिएँ । पहिले दीपक फेला प‍र्‍यो । दीपकले अंकल भन्दै रिमोट हस्तान्तरण गर्न चाह्यो, टी.भी. को ।

उसको हात काँपिरहेको थियो । टिर्रर दीपकको मोवाइलको घण्टी बज्यो । घण्टी बज्दै गर्दा नाडी घडीमा हे‍र्‍यो उसले । पर्खिबसेको घण्टी हुनुपर्छ यो । अमूक ठाउँमा भेट्ने उसको संवाद मैले बुझें तर भेउ पाइन । ऊ हस्याङफस्याङ गर्दै मेरो नजिकबाट उम्कन खोजे जस्तो ग‍र्‍यो तर शब्दमा केही भनेन ।

“काम भए जाऊ । म बुबालाई टि.भी.सँगै पर्खी बसौंला”, मैले उसलाई अनुमतिपूर्वक  भनेँ ।

ऊ बतास झैँ उड्यो ।

दीपककी आमाले चिया ल्याइन् । दीपक गएको ढोकातिर हेरेर धारे हात गरिन् र नाक खुम्च्याइन् ।

धेरै कुर्नु परेन । सिद्धार्थ आइपुग्यो ।

“मैले यत्रो दुःख गरेँ । समयलाई युरोपमै बूढो बनाएँ । छोराछोरीको भविष्य बन्ला भनेर यो गरेँ ।” बोल्दाबोल्दै उसको गला अवरुद्ध भयो । कोठाको हावा बाक्लो लाग्यो मलाई, लपक्क पाकेको दाल जस्तो । “छोराछोरीले गतिलो लाइन लिएनन्”, सिद्धार्थले सुस्केरा मै भन्यो ।

सिद्धार्थले उसको परिवारका बारेमा फ्रेममा सजाएको तस्वीर सम्झें मैले । आफूले युरोपमै जरा गाडेर बसेपछि छोराछोरी बिजुली झैं चम्किलो बन्छन् भनी ठोकुवा गरेको थियो उसले । एक पटक उसले मलाई भनेको थियो– ‘न भाषा, न संस्कृति, न समाज । सधैंको नियास्रो— काम, काम, काम । आठ दस वर्षमा जो कमाइयो, मेरो हैसियतमा काफी छ । कति कमाएर खुशी हुने ? एउटा हदमा चित्त बुझाउनुपर्छ । मलाई त आफ्नै ठाउँ रमाइलो लाग्छ तर सन्तानको सुनौलो भविष्यका लागि यतै बस्ने निधो गरेँ ।’

अहिले उसलाई थकथकी हुँदैछ । त्यही प्रकट गर्दैछ ।

“स्कूल जान्न रे । गँजडी केटाहरूको सङ्गत रहेछ”, दीपककी आमाले सुस्तरी जोडिन् ।

“अनुशासन पटक्कै भएन”, सिद्धार्थले तल्लो ओंठ फिस्स पा‍र्‍यो ।

“खै, कुन्नि कताको फिरङ्गीसँग लहसिएको छ भन्ने सुनिन्छ । पढ्ने बेलामा खै के चाला हो यो !” आमाचाहिंले पुनः थपिन् ।

छोराबारे एकपछि अर्को उजुरी सुनिरहेँ म ।

“युरोपमा हुर्केका केटाकेटी । आमाबाबुले जे भन्यो त्यसै त के गर्छन् र ?” मैले कुरालाई हलुका बनाउने प्रयास गरेँ ।

‘हाम्रो कुरा कम, अन्यत्रको छाप बढी भयो’ भन्ने गुनासो गर्न सिद्धार्थले छाडेन– “लाइन ठीक भएन । हुनसक्छ, आफूले पनि युरोपेली पाराले सिकाउन जानिएन कि ! म त नेपाल फर्कुं कि जस्तो लाग्दैछ ।”

सिद्धार्थको कुराले मलाई झट्का लाग्यो ।

“राम्रो मुखले बिस्तारै संझाउँदा हुन्थ्यो कि ?” मसिनो स्वरमा मैले भनेँ ।

“कहाँ !!” आमाले भनिन्– “तपाईंहरु धेरै किचकिच गर्नुहुन्छ भने अब म आफ्नै सुरले बस्न सक्छु । अठार वर्ष पनि नाघेँ, पो भन्छ संझाउँदा त ।”

सिद्धार्थकोमा मन बिसाउन पुगेको थिएँ म तर उसकै मनमा हलचल रहेछ ।

(यो ‘पथिक प्रवासन’ उपन्यासबाट लिइएको हो ।)

Mar 122015
 
दीपेन्द्र के.सी.युरोपेली नेपाली डायस्पोराका प्रतिनिधि कवि

पुस्तक समिक्षा अनेसासको अनुसार युरोपेली नेपाली डायस्पोरा र उनको बारेमा म पछि कुरा गर्छु । ऐले तत्काल हुलाकीले दिएको यो दीपेन्द्र के.सी.को कृतिकै समीक्षामा पस्न मनलागिहाल्यो । नर्थ सि को किनारबाट कविता सङ्ग्रहलाई उत्तर अमेरिकाको [ थप …]

May 192014
 
सुन्दर शैली र बिम्बमा उदभाषित ‘नर्थ सी को किनारबाट’.......!

एक दिन मेरो मुहार पुस्तिका (फेसबुक) मा एकजना अपरिचित साहित्यकार मित्रबाट ‘हुलाक ठेगाना पठाइदिने’ अनुरोध आयो । त्यो अनुरोध थियो साहित्यकार भाइ दीपेन्द्र के.सी. को । आफ्ना सद्यप्रकाशित कविता कृति उपहारस्वरूप पठाउनका लागि उहाँलाई ठेगाना [ थप …]

Jan 112014
 
 अमेरिकाबाट "लजाएका परेलीहरू"

साहित्यकार शरद निरोलाको नयाँ कविता-सँङ्ग्रह “लजाएका परेलीहरू” भर्खरै प्रकाशित भएको छ | वरिष्ठ साहित्यकार डा. तारानाथ शर्माको हस्तलिखित भूमिकासहितको यो सङ्ग्रहमा श्री निरोलाका ४२ वटा कविताहरू छन् | भिन्नभिन्न स्वादका ती कविताहरूमध्ये अमेरिकानिवासी कविले आफ्नो [ थप …]

Dec 222013
 
अमेरिकामा 'बुद्धवाद्का तीन आयाम' पुस्तक

भर्जिनियाको राजधानी रिचमण्ड निवासी लेखक तथा पत्रकार पशुपति घिमिरेको हालै प्रकाशित कृति” बुद्धबाद्का तीन आयाम ”गत आइतबार मंगसिर ३० गते भर्जिनियामा बिमोचन भएको छ | भर्जिनिया राज्यको राजधानी रिच्मण्ड स्थित घिमिरे निवासमा रिचमण्डका नेपालीहरुले सामुहिक [ थप …]

Nov 162013
 
नारी सौन्दर्य पुस्तक

सुन्दर बन्ने चाहना कुन युवतीमा नहोला र ? यही सुन्दर बन्ने चाहनामा युवतीहरू आफ्नो सुन्दरतालाई निखारता दिन महँगो शुल्क तिरेर पार्लर धाउने गर्छन्। तर पनि सोचेजस्तो सन्तुष्टि पाउन सकेका हुँदैनन्। यही कुरालाई ध्यानमा राखी सौन्दर्यविद् [ थप …]

Nov 022013
 
‘शान्ता’ उपन्यासको दोस्रो संस्करण, अनलाइन संस्करण र अङ्ग्रेजी अनुवाद

वरिष्ठ पत्रकार एवम् मानवअधिकारकर्मी पुरुषोत्तम दाहालद्वारा लिखित ‘शान्ता’ उपन्यासको दोस्रो संस्करण बजारमा आएको छ ।अङ्ग्रेजी अनुवादसमेत प्रकाशोन्मुख रहेको ‘शान्ता’ उपन्यासको दोस्रो अनलाइन संस्करण पनि आजै सार्वजनिक गरिएको छ । मानवीय संवेदना, विवेक र अङ्गदानसँग जोडिएको [ थप …]

Oct 212013
 
यौन विज्ञान प्रबन्ध ‘सृष्टिको रोमान्स’ बजारमा

यौन चिकित्सक सुबोधकुमार पोखरेलको यौन विज्ञानमा आधारित प्रबन्धको सङ्गालो ‘सृष्टिको रोमान्स’ नामक कृति बजारमा आएको छ। सो पुस्तकमा हस्तमैथुनः आवश्यकता कि विवशता, यौन, यौवन, मैथुन र संभोग, यौवनको बगँैचाको पहिलो फूल, दाम्पत्य जीवन, श्लील र [ थप …]

Oct 032013
 
युरो-नेपाल गतिविधिबारे पौडेलको पुस्तक विमोचित

बेल्जियममा रहेका नेपालीहरूका गतिविधि तथा नेपाल र युरोपेली देशहरूको सम्बन्धको बारेमा एक सँग्रहका रूपमा लेखक दीपकज्योति पौडेलको पुस्तक ‘युरो-नेपाल सामान्य ज्ञान’ हिजो बेल्जियमको लुभेनमा विमोचित भयो । बेल्जियम र युरोपेली सँघका लागि नेपाली राजदूत राममणि [ थप …]

Jun 232013
 
आठ सय वर्ष पुराना नेपाली ग्रन्थ अमेरिकाबाट नेपाल फिर्ता

नेपालमा चोरी भएर अमेरिका पुगेका आठ सय वर्ष पुराना ऐतिहासिक पुस्तकहरू नेपालमा फर्काइने भएको छ । अमेरिकामा लिलाम बढाबढमा बिक्री गर्न लागिएका १२औं शताब्दीताकाको ऐतिहासिक एबं धार्मिक ग्रन्थहरू विशेष पहलमा नेपालले फिर्ता पाएको छ । [ थप …]

Jun 112013
 
रुखको कापमा जंगली झिंगा भन्किरहेका थिए

यो कहालीलाग्दो अँध्यारो रात थियो । चिसो थियो । त्यसैले आँगनमा दाउरा बालेर आगो ताप्दै गरेका थियौँ । मीठो गफ पनि चलिरहेको थियो । मेरा कुरा सुन्ने चासो, चाख हुन्छ आमामा । मेरा साना–साना कुरामा [ थप …]

Apr 032013
 
‘द सुप्रिम ह्युमन’ उपन्यास नेपाली र अंग्रेजीमा

 ‘द सुप्रिम ह्युमन’ नामक औपन्यासिक कृति नेपाली र अंग्रेजी दुवै भाषामा आउने भएको छ । लेखक रमेश पौडेलद्वारा लिखित यो पुस्तक नेपाली संस्करण डिकुरा पब्लिकेसनबाट र अंग्रेजी संस्करण डोरेन्स पब्लिकेसन अमेरिकाले प्रकाशनमा ल्याउन लागेका हुन् [ थप …]

Mar 042013
 
'चक्रव्यूहमा चन्द्रसूर्य'को लोकप्रीयता

पुस्तक प्रकाशनको क्रम बढे पनि मोफसलमा लेखक-पाठक अन्तरक्रिया खासै हुने गरेको छैन । यो पृष्ठभूमिमा ‘चक्रव्यूहमा चन्द्रसूर्य ‘ का लेखक सरोजराज अधिकारी भेटिँदा शुक्रबार पाठकहरूले घेरिहाले ।   विवादित र चर्चित विषयवस्तुका कारण छोटो अवधिमै सांगि्रला बुक्सले तेस्रो [ थप …]