admin

Nov 192017
 
Share on FacebookTweet about this on TwitterShare on Google+Print this page

भारतीय सुन्दरी मानुषी छिल्लरले मिस वर्ल्ड २०१७ को चम्किलो ताज चुमेकी छिन्। विश्वका विभिन्न देशका १ सय १७ देशका सुन्दरीलाई पछाडि पार्दै मानुषी यस वर्षको विश्व सुन्दरी घोषित भएकी हुन्। प्रतियोगिताको अन्तिम चरणमा निर्णायक प्रश्नको सबैभन्दा गहकिलो र सशक्त जवाफ दिई निर्णायकहरुको मन जित्दै उनी ताज चुम्न सफल भइन्।

यससँगै भारतले १७ वर्षपछि फेरि विश्व सुन्दरीमाथि विजय पाएको छ। यसअघि बलिउड सुन्दरीद्वय ऐश्वर्या राय र प्रियंका चोपडा विश्व सुन्दरी भएका थिए। चीनमा भव्यसाथ सम्पन्न मिस वल्र्ड २०१७ मा आफ्नो नाम उद्घोष भएपछि मानुषीले हर्षको आँसु झारेकी थिइन्। मेडिकल विधामा अध्ययन गरिरहेकी मानुषी १९९७ मे १४ तारिखमा हरियणामा जन्मेकी थिइन्। उनले भारत सुन्दरी हुँदै विश्व सुन्दरी प्रतियोगितामा प्रतिनिधित्व गरेकी थिइन्।

६७औं संस्करणको मिस वल्र्ड २०१७ मा नेपाल सुन्दरी २०१७ निकिता चन्दक भने उत्कृष्ट ४० मा सीमित भइन्। उनी पपलुर विधाको उत्कृष्ट १० मा पनि पर्न सफल भएकी थिइन्।

टेलिभिजन प्रत्यक्ष प्रसारणमार्फत विश्वभरका सुन्दरी प्रतियोगिताप्रेमीले अवलोकन गरेको प्रतियोगितामा मेक्सिको सुन्दरी एन्ड्रेया मेजाले फस्ट रनर्सअप र बेलायती सुन्दरी स्टेफेनिया हिल सेकेन्ड रनर्सअप भए।

(फोटोमा मानुषी उनका अभिभावकहरूसँग)

Nov 192017
 
Share on FacebookTweet about this on TwitterShare on Google+Print this page

बेलायतको गार्जियन पत्रिकाले क्रिसमसका निम्ति उत्कृष्ट युरोपेली सहरहरूको सूचि प्रकाशित गरेको छ । उक्त सूचिमा पोर्चुगलको राजधानी लिस्बोनलाइ एक नम्बरमा राखिएको छ ।

त्यस्तै फ्रान्सको लिल दोस्रो र बेल्जियमको गेन्ट तेस्रो अाकर्षक सहर मानिएका छन् ।

फोटो- लिस्बोनको क्रिसमस

 

Nov 192017
 
Share on FacebookTweet about this on TwitterShare on Google+Print this page

दायित्व वाङ्मय प्रतिष्ठानको आयोजनामा विशिष्ट आख्यानकार शङ्कर कोइरालाको ८८औँ जन्मजयन्ती मनाइयो । सो अवसरमा रु. १० हजार राशिसहितको शङ्कर कोइराला स्मृति पुरस्कार आख्यानकार भाउपन्थीलाई अर्पण गरियो ।

प्रमुख अतिथि वाङ्मय शताब्दीपुरुष डा. सत्यमोहन जोशीले भने— शङ्कर कोइराला अत्यन्त सरल, शालीन र लज्जालु प्रकृतिका लेखक हुनुहुन्थ्यो । उहाँका कृतिहरू उत्कृष्ट भएपनि प्रचारबाजीमा नपरेका हुँदा खैरिनीघाट बाहेक अन्य कृतिहरू ओझेलमा परेका छन् । हामीले नेपाली साहित्यका उत्कृष्ट कृतिहरूको पहिचान गर्नुपर्छ र अनुवाद गरेर नोबेल साहित्य पुरस्कारका लागि प्रस्तावित गर्नुपर्दछ ।

समालोचक डा. तुलसी भट्टराईले शङ्कर कोइरालाका ५०वटा कृतिहरूको चर्चा हुनुपर्ने उल्लेख गर्दै श्री कोइरालाको नाममा स्थापित पुरस्कार भाउपन्थीलाई दिइएकोमा सत्पात्रलाई छनोट गरिएको कुरा उल्लेख गरे भने पुरस्कृत साहित्यकार भाउपन्थीले पनि शङ्कर कोइरालाको नाममा पुरस्कार पाउँदा आफू अत्यन्त प्रसन्न भएको बताए ।

समारोहमा दायित्व वाङ्मय प्रतिष्ठानका सचिव  केशवराज पन्तद्वारा लिखित आत्मसंस्मरण ‘स्मृतितरङ्ग’ पनि विमोचन भएको थियो भने उक्त कृतिका बारेमा प्रा.डा. कृष्णचन्द्र शर्माले समीक्षात्मक मन्तव्य दिँदै भनेका थिए— आत्मसंस्मरण लेख्न सजिलो छैन । आत्मसंस्मरणका पाठले लेखकको जीवनी पढेर त्यसबाट प्रेरणा पाउन सक्नुपर्दछ ।

दायित्व वाङ्मय प्रतिष्ठानका अध्यक्ष रामप्रसाद पन्तको सभापतित्वमा सम्पन्न सो कार्यक्रममा कृतिकार केशवराज पन्तले लेखकीय मन्तव्य दिएका थिए भने प्रा. रामप्रसाद दाहाल, डा. लेखप्रसाद निरौला, यादव भट्टराई र शङ्कर कोइरालाका सुपुत्र अनिल कोइरालाले पनि मन्तव्य राखेका थिए ।

Nov 192017
 
Share on FacebookTweet about this on TwitterShare on Google+Print this page

हालै सम्पन्न स्थानीय तह निर्वाचनमा एउटा भोट बराबर करिब पाँच हजार रुपैया खर्च भएको छ। त्यसमध्ये करिब तीन हजार छ सय १३ रुपैया उम्मेद्वार र उनका समर्थकले खर्च गरेका छन् भने प्रतिभोट एक हजार तीन सय नौ रुपैयाँ सरकारी ढुकुटीबाट खर्च भएको छ। स्थानीय निर्वाचनमा जम्मा ६९ अर्ब ४२ करोड रुपैयाँ खर्च भएको प्रतिवेदनमा उल्लेख छ।

निर्वाचन पर्यवेक्षण समितिका तर्फबाट विज्ञ समूहले करिब छ महिना लगाएर गरेको अध्ययनअनुसार, तीन चरणमा भएको स्थानीय निर्वाचनमा जम्मा १८ अर्ब ४६ करोड रुपैयाँ सरकारी ढुकुटीबाट खर्च भएको छ। उम्मेद्वार र उनका समर्थकले गरेको खर्च योभन्दा झण्डै तीन गुणा बढी छ। उम्मेद्वार र उनका समर्थकहरूले ५० अर्ब ९६ करोड रुपैयाँ खर्च गरेको अध्ययनको निष्कर्ष छ। समितिका परियोजना प्रमुख उज्ज्वल अधिकारीले काठमाडौं, मोरङ, दाङ र जाजरकोट जिल्लालाई नमुनाको रूपमा लिई अध्ययन गरेको बताए।

Nov 192017
 
Share on FacebookTweet about this on TwitterShare on Google+Print this page

सन् १९९९ मा १७ जना साथीहरूसँग मिलेर ज्याक माले ई–कमर्स वेबसाइट अलिबाबा सुरु गरेका थिए । यो कम्पनी खोल्न आवश्यक ६० हजार डलर उनले आफ्ना ८० जना साथीसँग ऋण खोजेर जुटाएका थिए । अहिले ज्याक चीनकै तेस्रो धनी व्यक्ति भएका छन् । फोब्र्स पत्रिकाले सन् २००७ का लागि उनलाई चीनको तेस्रो धनी व्यक्तिको सूचीमा राखेको छ । उनलाई यति धेरै सफलता दिलाउने कम्पनीको नाम अलिबाबा नैचाहिँ उनले किन राखे ? विभिन्न अन्तर्वार्तामा उनले यसको कहानी सार्वजनिक गर्दै आएका छन् ।

उनले व्यवसायको सोचमा रहँदै गर्दा कम्पनीको नाम के राख्ने भनेर कल्पिरहेका थिए । उनको दिमागमा ‘अलिबाबा’ नाम घुमिरहेको थियो । तर, उनले यो नाम सबैका लागि रुचिकर हुन्छ कि हुन्न भनेर परीक्षण गर्न चाहिरहेका थिए । एक दिन उनी अमेरिकाको क्यालिफोर्नियामा पर्ने सनफ्रान्सिस्कोस्थित एउटा कफी पसलमा बसिरहेको थिए । त्यहाँ एउटी वेट्रेस आइन् । ज्याकले वेट्रेसलाई सोधे– तिमी अलिबाबालाई चिन्छौ ? जवाफमा तिनले भनिन्– खुल जा सिमसिम ।

वेट्रेसको जवाफ सुनेलगत्तै ज्याकले सो नाममा स्वीकृति जनाए । कफी पसलमा भएको यो परीक्षाणपछि उनले अन्य ३० व्यक्तिलाई पनि उही प्रश्न गरे, अलिबाबा चिन्छौ ? उनले सकेसम्म फरक–फरक देशका व्यक्तिलाई यो प्रश्न गरेका थिए । जर्मनी, चीन, जापान, भारतलगायत देशका जनतालाई उनले प्रश्न गरेका थिए । सबैले अलिबाबालाई चिन्ने जवाफ फर्काए । सोही कफी सपमा उनले आफ्नो कम्पनीको नाम अलिबाबा राख्ने अन्तिम निर्णय गरे र अलिबाबाले एक वेबसाइट कम्पनीको रूप लियो ।

एक अन्तर्वार्तामा ज्याकले भनेका छन्, ‘अलिबाबा चोर थिएनन् । उनी दयालु थिए र व्यापार कसरी गर्ने भन्ने पनि जानेका थिए । उनले गाउँलेहरूलाई पनि सहयोग गरेका थिए ।’

खासमा अलिबाबा एउटा लोक कथाका पात्र हुन् । अलिबाबा र ४० चोरको कथा ‘अलिबाबा एन्ड फोर्टी थिभ्स’ १८औँ शताब्दीमा युरोपियन अनुवादक एन्टोनी गेलान्डले ‘वान थाउजेन्ड एन्ड वान नाइट’ पुस्तकमा संकलन गरेका थिए । कथामा अलिबाबाको चरित्र काठ काट्ने (उड कटर)को छ । जे होस्, लोक कथाका यी पात्र विश्वका धेरै देशमा १८औँ शताब्दीदेखि चर्चामा छन् । त्यसैले ज्याकले कम्पनीको नाम नै अलिबाबा रोजे । अलिबाबा जसरी सबैका लागि थिए, त्यसैगरी अलिबाबा कम्पनी सबैका लागि खुलेको हो भन्ने सन्देश ज्याक नामबाटै दिन चाहन्थे । नभन्दै उनको कम्पनी दुनियाँभरका मान्छेहरूले कारोबार गर्न सक्ने बन्यो ।

Oct 162017
 
Share on FacebookTweet about this on TwitterShare on Google+Print this page

गैर आवासीय नेपाली संघ(एनआरएनए)को अध्यक्षमा भवन भट्ट निर्वाचित भएका छन् ।

अध्यक्षमा भट्टको प्रतिस्पर्धी जमुना गुरुङ घले  थिइन् ।

२००३ स्थापना भएको एनआरएनएको निर्वाचनमा पहिलो पटक प्यानलगत आधारमा चुनाव भएको हो । निर्वाचित हुनेमा सचिवमा एक पदबाहेक सबै पदाधिकारीहरू भट्ट प्यानलबाट छन् ।

संघको उपाध्यक्षमा कुमार पन्त र कुल आचार्य तथा महिला उपाध्यक्षमा सपिला राजभण्डारी निर्वाचित भए । यस्तै महासचिवमा डा बद्री केसी पुनः निर्वाचित, सचिवमा जानकी गुरूङ र डिबी क्षेत्री र कोषाध्यक्षमा हिक्मत थापा र सहकोषाध्यक्षमा सोम सपकोटा निर्वाचित भए ।

शनिवारदेखि सुरु भएको एनआरएनएको ८ औ विश्वसम्मेलनको मतदान सोमबार बेलुकादेखि सुरु भएको थियो । मतदान राती साढे ११ बजेसम्म चलेको थियो ।

२० वर्ष अगाडि अध्ययनको लागि जापान पुगेका भट्ट एनआरएनएमा दुई कार्यकाल उपाध्यक्ष र एक कार्यकाल कोषाध्यष भएर काम गरिसकेका छन् ।

जापानमा रेष्टुरेन्ट व्यवसायमा सफल मानिएका भट्टको २९० वटा रेष्टुरेन्ट रहेका छन् । जसबाट वार्षिक ३५ अर्बको कारोबार हुने गरेको छ । व्यवसायिक समुह टिबिआईका अध्यक्ष रहेका भट्टको नेपालमा पनि उद्योग,संचार,कलेज लगायतका क्षेत्रमा लगानी रहेको छ।

गोरखामा जन्मिएका भट्ट एनआरएन अभियानमा सुरुवातदेखि सक्रिय थिए । जापानमा एनआरएनको समन्वयन समिति गठन देखि जापान अध्यक्ष हुँदै एनआरएनएको कोषाध्यक्ष र दुई कार्यकाल उपाध्यक्ष हुँदै भट्ट अध्यक्ष बन्न सफल भएका हुन् ।

संघमा पछिल्लो समयमा राजनीतिकर्मीहरू र ब्यापारीहरूको पकड बढ्दै गएको छ र बाैद्धिक व्यक्तित्वहरू पाखा लागेका छन् । यस निर्वाचनमा पनि त्यही ट्रेन्ड देखिन्छ ।

Oct 052017
 
Share on FacebookTweet about this on TwitterShare on Google+Print this page

नेपाली साहित्यिक पत्रकारितामा लामो समयदेखि आबद्ध वरिष्ठ पत्रकार नगरेन्द्र राज शर्मा र रोचक घिमिरेलाई यसवर्षको खेमलाल हरिकला लामिछाने समाज कल्याण प्रतिष्ठानबाट ‘पद्मश्री साधना सम्मान’ अर्पण गरिएको छ । यस्तै ‘पद्मश्री साहित्य पुरस्कार’बाट युवाकवि नवराज पराजुलीलाई प्रदान गरियो ।यो सम्मान हरेक बर्ष दिइन्छ ।

प्रतिष्ठानले हरेक वर्ष कोजाग्रत पूर्णिमाको दिन दिइने साहित्यिक पुरस्कार विहीवार एक समारोहकाबीच यस वर्षमा तीनजना सर्जकलाई प्रतिष्ठानका अध्यक्ष तथा लेखक जीवा लामिछानेद्वारा प्रदान गरिएको हो । प्रतिष्ठानले प्रत्येक स्रष्टालाई दुइ-दुइ लाख नगद र प्रमाणपत्रले  सम्मान गर्दै आएको छ ।

बि.सं. २०२८ देखि साहित्यिक पत्रकारिता क्षेत्रमा योगदान पुर्याउँदै आउनुभएका स्रष्टा नगेन्द्रराज शर्माका ‘महापुरुष’ र ‘दिवास्वप्न’ र ‘पीपलको बोटमुनि’ र एकान्तका आफन्तहरु कथासंग्रह प्रकासित छन् । शर्माले विभिन्न पत्रपत्रिकामा कविता, कथा र निबन्धहरु प्रकासित छन् । शर्मा २०२७ देखि ‘अभिव्यक्ति’ दुइमहिने साहित्यिक पत्रिकाका सम्पादन समेत हुन् ।

यसैगरी बि.सं. २०१८ देखि ‘रचना’ साहित्यिक पत्रिका प्रकाशन गर्दै आएका रोचक घिमिरे ‘सम्झनामा फक्रिएका थुँगाहरु’ ‘अनुहार र अनुभूति’ निबन्ध संग्रह प्रकासित छन् । उहाँका विभिन्न पत्रपत्रिकामा कविता, कथा र समसामयिक लेखहरु प्रकासित छन् ।

फोटोहरू- जीवा लामिछानेको फेसबुक पृष्ठबाट

अर्का पुरस्कृत श्रष्टा नवराज पराजुलीलाई यस वर्षको कविता संग्रह ‘सगरमाथाको गहिराई’ लाई प्रदान गरिएको हो । यसअघि प्रतिष्ठानद्वारा राष्ट्रकवि माधव घिमिरे, बरिष्ठ आख्यानकार स्वर्गीय मदनमणी दीक्षित, बरिष्ठ साहित्यकार सत्यमोहन जोशी, धुर्वचन्द्र गौतम र वैरागी कायँला साथै कलाकारद्वय मदनकृष्ण श्रेष्ठ र हरिबंश आचार्यलाई सम्मान गरिसकेको छ ।
कार्यक्रममा प्रतिष्ठानका अध्यक्ष तथा गैर आवासीय नेपाली संघका पुर्व अध्यक्ष जीवा लामिछानेले संस्थाको गतिविधिबारेमा प्रकाश पारेका थिए । कार्यक्रममा पुरस्कृत साहित्यकारहरु नगेन्द्रराज शर्मा, नवराज पराजुलीले आ-आफ्नो मन्तब्य राखेका थिए ।

Sep 292017
 
Share on FacebookTweet about this on TwitterShare on Google+Print this page

– पंचम अधिकारी

अन्ततः एनआरएन संघको अध्यक्ष पदमा जापानका भवन भट्ट र अस्ट्रेलियाकी जमुना गुरूङबीच निर्वाचन हुने देखिएको छ ।

दुई कार्यकाल उपाध्यक्ष भैसकेका भट्टले अध्यक्षका निम्ति आफ्नो उमेदवारी घोषणा गरिसकेका छन् । श्रीमति गुरूङको उमेदवारी भने अझैसम्म घोषणा नभए पनि अक्टोबरको पहिलो हप्ता काठमान्डुमा घोषणा हुने शेष घलेनिकट सूत्रले बताएका छन् ।

अध्यक्ष पदमा तेस्रो पदावधि विधानतः निषेध भएपछि शेष घले रोकिएका हुन् । तर उनले आफ्नी श्रीमति जमुनालाई अगाडि सार्ने योजना मुताबिक हालै अमेरिका र क्यानडा भ्रमण गरेका थिए । यो हप्ता घले दम्पत्तिले युरोपमा सबैभन्दा बढी भोट भएको बेलायत र बेल्जियममा भ्रमण कार्यक्रम सम्पन्न गरे । सार्वजनिक रूपमा घले दम्पत्तिले उमेदवारीबारे केही उल्लेख गरेका छैनन् । तर आफ्ना भित्रियाहरूसँग तयारी गरिरहेका छन् । गत वर्ष न्युजर्सीमा सम्पन्न अमेरिकी क्षेत्रिय बैठकबाट अगाडि सारिएको ‘भिजन २०-२० एण्ड वियोन्ड’ लाई अध्यक्ष घलेले एजेण्डाको रूपमा बोकेर हिंडेका छन् ।

अमेरिका, क्यानडा, बेलायत र बेल्जियममा घलेले बारम्बार एउटै कुरा दोहोर्याएका छन् । त्यो हो, संस्थाभित्र कै केही व्यक्तिले अवरोध गरेका कारण काम गर्न सकिएन । उनले केही व्यक्ति भनेर इंगीत गरेका व्यक्तिहरू एनआरएन कर्मीहरूले प्रष्टसँग बुझेका छन् । उनको संकेत पूर्व अध्यक्षद्वय उपेन्द्र महतो र जीवा लामिछाने तथा महासचिव बद्री केसी हुन् । ‘भिजन २०२०’ का केही बुँदाहरूमा महतो, लामिछाने र केसीले चित्त बुझाएका छैनन् । जुन विचारले प्राधान्य पाउँदा ‘भिजन २०२०’ को पक्षमा पुरै एनआरएन संघ दुई भागमा ध्रुविकरण हुँदैछ । खासगरी संघलाई अध्यक्षात्मक प्रणालीमा लैजान लागेको प्रावधानप्रति धेरैको आपत्ति छ । तर अध्यक्ष घले भने ‘भिजन २०२०’ बारे महतो र लामिछानेले राखेको फरक मतलाई स्वीकार्न नचाहेर एजेण्डाको रूपमा स्थापित गर्ने प्रयास गरिरहेका छन् ।

एनआरएन अभियानमा महतो र लामिछानेको योगदान घाम जत्तिकै छर्लङ्ग भए पनि घले पक्ष अर्को फरक शक्तिका रूपमा स्थापित हुन खोजेको देखिन्छ । घलेले यही ‘भिजन २०२०’ एजेण्डा बोकेर श्रीमति जमुना गुरूङको पक्षमा चुनावमा जान लागेको प्रष्ट भएको छ ।

अध्यक्षका उमेदवार भट्टलाई चुनौति दिने तयारीमा रहेका अर्का उपाध्यक्ष कुमार पन्त अहिले ‘पर्ख र हेर’ को स्थितिमा छन् । पन्तले भट्टको प्रतिस्पर्धीको रूपमा चुनावी तयारी गरिरहेका थिए तर त्रिपक्षिय भिडन्त हुँदा जमुनाले चुनाव जित्ने डरमा अझैसम्म उमेदवारी घोषणा गरेका छैनन् । जमुना उठेमा उनलाई हराउनै पर्छ भन्ने साझा उद्देश्यका निम्ति पन्त भवन भट्टलाई छोड्न तयार देखिएका हुन् र जमुनाको उमेदवारी कुन पदमा आउँछ भनेर कुरेका हुन् । जमुना अध्यक्षमा उठे पन्तले पुनः उपाध्यक्षमा उमेदवारी दिने र दुई वर्षपछि भट्टले पन्तलाई समर्थन गर्ने समझदारी भएको बताइन्छ । भट्ट र पन्तबीच हङकङमा पहिलो चरण र अबुधाबीमा दोस्रो चरणको वार्ता भएको थियो । उपाध्यक्ष पन्तको रणनीतिमा प्रभावशाली पूर्व अध्यक्ष जीवा लामिछानेको धाप रहेको मानिन्छ ।

पन्तले भट्टलाई मैदान खाली गरिदिएपछि पन्त पक्षबाट अन्य पदमा दावा गर्नेहरू हतोत्साही भएका छन् । र त्यही हैरानीमा कतारका टिबी कार्की, बेलायतका विश्वआदर्श पण्डित र बेलायत कै कुल आचार्यले अध्यक्षमा लड्ने हल्ला चलाएका हुन् ।

संघमा परम्परागत रूपमा प्रभावशाली रहेका पूर्व अध्यक्षहरू महतो र लामिछानेलाई अध्यक्ष घलेले एकप्रकारको हाँक दिएका छन् । घले आफै एनआरएन अभियानमा पछिल्लो समयमा आबद्ध भएका हुन् । उनकी श्रीमति जमुना गुरूङ श्रीमानबाट मनोनित आइसीसी सदस्यका रूपमा काम गरे पनि संघमा कहिल्यै निर्वाचित पद हासिल गरेको रेकर्ड छैन । तर पैसा र श्रीमानको प्रभावका कारण उनी अहिले भवन भट्टको प्रमुख चुनौतिका रूपमा स्थापित भएकी छन् । कतिपयले गुरूङ सफल व्यवसायी भए पनि एक कार्यकाल कुनै पदाधिकारी पद पुरा गरेर नेतृत्वमा आउँदा राम्रो हुने ठान्छन् ।

संघको चुनावमा पैसाको चलखेल हुनुको एक प्रमुख दोष यसको निर्वाचन प्रणाली हो । भोट हाल्नका लागि काठमान्डुको विश्व सम्मेलनमा भाग लिनुपर्ने हुँदा धनी उमेदवारको आर्थिक सहयोगमा भोटरहरूको हवाई टिकट स्पोन्सर हुने गरेको छ । जसले काठमान्डुमा बढी भोटर उतार्न सक्यो उसले बढी भोट पाउने हुँदा एनआरएन संघको चुनाव अत्यधीक महंगो बन्दै गएको छ । र, यो महंगो चुनावमा अस्ट्रेलिया र जापानका दुई धनाढ्य आमनेसामने भएका छन् । संघले एक वर्षभरि समाजसेवामा खर्च गर्ने बराबरको बजेट यो एउटै चुनावमा खर्च हुने आँकलन गरिएको छ ।

Sep 282017
 
Share on FacebookTweet about this on TwitterShare on Google+Print this page

एनआरएनका केन्द्रीय अध्यक्ष शेष घलेको उपस्थितिमा यही २५ सेप्टेम्वरमा एन्तोरपेनमा स्वागत, सम्मान तथा भेटघाट कार्यक्रम सम्पन्न भयो ।
राष्ट्रिय गीतसँगै मैन प्रज्वलन गरी कार्यक्रमका प्रमुख अतिथी महामहिम राजदूत लोक बहादुर थापा, विशेष अथिती अध्यक्ष घले तथा कार्यक्रमका सभापति एनआरएन बेल्जियमका अध्यक्ष लोक दाहालले सँयुक्त रुपमा कार्यक्रमको शुभारम्भ गर्नुभएको थियो ।

कार्यक्रममा यूरोपका अन्य राष्ट्र तथा अमेरिका र अष्ट्रेलियाबाट पनि एनआरएनका केन्द्र र स्थानीय पदाधिकारीहरुको उपस्थिति रहेको थियो ।
समारोहमा प्रमुख अतिथी महामहिम थापाले राष्ट्रिय उत्थानमा एनआरएनहरुको भूमिकाको सह्राना गर्नुभयो । विशेष अतिथी घलेले २०२० दृष्टिकोण, केन्द्रीय भवन निर्माण, एनआरएन एकता र आवश्यकताबारे प्रकाश पार्नुभएको थियो ।

एनआरएन पोर्चुगलका उपाध्यक्ष कमल गुरुङ, नेदरल्याण्डका अध्यक्ष मनहरि शर्मा, बेलायतबाट के.स. योगेन क्षेत्री, निवर्तमान अध्यक्ष बेलायत मच्छिन्द्र गुरुङ,   डेनमार्कबाट सोम सापकोटा, स्वीजरल्याण्डबाट बिनय श्रेष्ठ, जर्मनका अध्यक्ष बिजय मोक्तान, अमेरिकाबाट सोनाम लामा, यूरोप सँयोजक कुल आचार्य, यूरोप उपसँयोजक प्रेम गुरुङ, जर्मनीबाटै दावा शेर्पा, केन्द्रीय प्रवक्ता रञ्जु थापा, महिला सहसँयोजक रजनी प्रधान, के.स. जमुना घले, केन्द्रीय सल्लाहकार त्रिलोक गुरुङ, पुष्प थापा, केन्दीय सचिव अर्जुन श्रेष्ठ, केन्द्रीय संरक्षक दिल गुरुङ, बेल्जियमका नेपाली पर्यटन दूत शिव बरुवाल आदिले मन्तव्य व्यक्त गर्नु भएको थियो ।

सो अवसरमा धन्यवाद ज्ञापन गर्दै बेल्जियमका निवर्तमान अध्यक्ष गँगाधर गौतमले  हालैमात्र नेपालका विभिन्न भागमा भएको प्राकृतिक विपत्ति र  बाढीपीडितका लागि सँकलित २० लाख रुपयाँ बराबरको चेक हस्तान्तरण गर्नु भएको थियो ।

कार्यक्रममा स्वागत मन्तव्य बरिष्ठ उपाध्यक्ष कमल पन्थी र  सँचालन महासचिव आङमाया लामाले गर्नुभएको थियो ।

 – दीपेन्द्र केसी

Sep 232017
 
Share on FacebookTweet about this on TwitterShare on Google+Print this page

गैरआवासीय नेपाली संघ (एनआरएनए)को महासचिवमा वर्तमान सचिव अर्जुनकुमार श्रेष्ठ र बहालवाला सल्लाहकार रहेका हङकङका त्रिलोक (यमकुमार) गुरुङले उमेदवारी घोषणा गरेका छन् ।

बेल्जियममा व्यवसाय गर्दै आएका श्रेष्ठले एनआरएनएको संस्थागत विकास, सांगठनिक सुधारमा मेरो अनुभव र सिपलाई उपयोग गर्न उम्मेदवारी घोषणा गरेको जनाएका छन् ।

प्रवासी नेपालीलाई संगठित गर्दै अभियानको रुपमा स्थापित भएको एनआरएनएले हाल ७७ देशमा सांगठनिक उपस्थिति जनाएको छ । एनआरएनएको विश्व सम्मेलन काठमाडौंमा १४–१७ अक्टोबरमा हुँदैछ ।

पर्वत मूल घर भएका श्रेष्ठ २००९ देखि निरन्तर एनआरएनएको केन्द्रीय नेतृत्वमा छन् । उनी बेल्जियमको प्रतिनिधित्व गर्दै आईसीसी सदस्य, यूरोप संयोजक र हाल आईसीसी सचिव छन् । उनलाइ बेल्जियमका सफल ब्यापारी मानिन्छ ।

महासचिवका अर्का उमेदवार गुरूङले एनआरएनएले सञ्चालन गरिरहेका परियोजनालाई सफल पार्न र ‘भिजन २०२०’लाई साकार पार्न आफू नेतृत्वमा पुग्नु पर्छ भन्ने मान्यता रहेको उल्लेख गरेका थिए ।
उनी हङकङ राष्ट्रिय समितिका अध्यक्ष दुई कार्यकाल र एक कार्यकाल एशिया-प्यासफिक क्षेत्रीय संयोजक रहिसकेका छन् । अघिल्लो महाधिवेशनमा उनी कोषाध्यक्षका प्रत्यासी रहेका थिए, तर पराजित भएका थिए ।

 

Sep 212017
 
Share on FacebookTweet about this on TwitterShare on Google+Print this page

सुरक्षा कमजोरीको फाइदा उठाउँदै तस्करहरुले नेपाललाई ‘ट्रान्जिट प्वाइन्ट’ बनाएर अबैध रुपमा ठूलो परिमाणमा सुन तस्करी गरिरहेका छन् । अवैध रुपमा चीनसँगका विभिन्न खुल्ला नाका र त्रिभुवन विमानस्थलबाटै सुन नेपाल भित्र्याउने र भारतसँगै तेस्रो बजारमा  कारोबार भइरहेको छ । पछिल्ला वर्षमा विभिन्न नाकाबाट भन्सार छल्दै ल्याएका सुन पक्राउ पर्ने क्रम पनि बढेको छ ।

पछिल्ला तीन आर्थिक वर्षमा तस्करबाट ठूलो परिमाण (१ किलोग्रामभन्दा माथि)मा पक्राउ परेको ३ सय ९२ किलोग्राम भन्दा बढी (३९२.३२९)  सुन राष्ट्र बैंकको ढुकुटीमा जम्मा भइसकेको छ । यो गत आर्थिक वर्ष सम्मको मात्रै तथ्यांक हो ।

यही भदौ १९ गते काठमाडौंको क्षेत्रपाटीबाट अहिलेसम्मकै बढी परिमाणमा ८८ किलोग्राम सुन पक्राउ गरेको छ भने यसअघि भदौ १५ गते काठमाडौं र जनकपुरबाट प्रहरीले १५ किलोग्राम सुन पक्राउ गरेको थियो । सो सुन समेत राष्ट्र बैंकले राखेको भए पनि अनुसन्धानका क्रममा भएकाले गलान नभएको राष्ट्र बैंक मुद्रा व्यवस्थापन टक्सार महाशाखाले जनाएको छ ।

आर्थिक वर्ष २०७१/०७२ मा विभिन्न नाकाबाट १ किलोग्राम भन्दा बढी मात्रामा पक्राउ परेको सुन राष्ट्र बैंकको ढुकुटीमा २ सय ६४ किलोग्राम रहेको छ ।  जसमा विभिन्न मितिमा राष्ट्रिय अनुसन्धान विभाग पुल्चोकले राष्ट्र बैंकलाई बुझाएको सुन ३३ दशमलव ७ किलोग्राम रहेको राष्ट्रबैंक टक्सार महाशाखाले जनाएको छ ।

सो आर्थिक वर्षमा तातोपानी भन्सार नाकाबाट ६८ दशमलव २३८ किलोग्राम सुन राष्ट्र बैंकको ढुकुटीमा जम्मा भएको छ ।  यस्तै आव २०७१÷०७२ मै तस्करबाट समातेको ६४ दशमलव ५५६ किलोग्राम सुन त्रिभुवन अन्तर्राष्ट्रिय विमानस्थल भन्सार कार्यालयले राष्ट्रबैंकलाई बुझाएको उल्लेख छ ।

राष्ट्र बैंकको ढुकुटीमा जम्मा गरेको सुनको तथ्यांकमा राजस्व अनुसन्धान कार्यालय इटहरीले सोही आर्थिक वर्षमा ७ दशमलव ९९६ किलोग्राम सुन राष्ट्र बैंकको ढुकुटीमा जम्मा गरेको छ ।  यसैगरी सोही आर्थिक वर्षमा पथलैया भन्सार कार्यालयले  १० दशमलव २३४ किलोग्राम सुन राष्ट्र बैंकलाई बुझाइएको छ ।  यसैगरी गौर भन्सार कार्यालयबाट सोही आर्थिक वर्षमा ५ दशमलव ३२९ किलोग्राम सुन प्राप्त भएको राष्ट्र बैंकले जनाएको छ ।

यस्तै सोही आर्थिक वर्षमा विभिन्न नाकाबाट अबैध रुपमा नेपाल ल्याइएको ७४ दशमलव ९५६ किलोग्राम सुन सम्बन्धित भन्सार कार्यालय तथा अन्य निकायले राष्ट्र बैंकलाई बुझाएको तथ्यांक छ ।

आर्थिक वर्ष २०७२/०७३ मा ठूलो परिमाण (१ किलोग्रामभन्दा माथि) ३३ दशमलव ३७३ किलोग्राम सुन राष्ट्रबैंकले आफ्नो ढुकटीमा जम्मा भएको छ ।

राष्ट्र बैंकको तथ्यांकअनुसार आर्थिक वर्ष २०७३/०७३ मा अबैध रुपमा नेपाल ल्याइएको ठूलो परिमाण (१ किलोग्राम भन्दा माथि) ९४ दशमलव २०३ किलोग्राम सुन राष्ट्र बैंकको ढुकुटीमा जम्मा भएको छ ।

जसमध्ये  सबैभन्दा धेरै परिमाणमा काठमाडौं जिल्ला अदालतले ४७ दशमलव ८८४ किलोग्राम सुन राष्ट्र बैंकको ढुकुटीमा जम्मा भएको तथ्यांक छ ।  यस्तै त्रिभुवन अन्तर्राष्ट्रिय विमानस्थल भन्सार कार्यालयले ३१ दशमलव १०६ किलोग्राम बुझाएको राष्ट्रबैंकले जनाएको छ ।

यसैगरी सोही आर्थिक वर्षमा रसुवा भन्सार कार्यालयबाट प्राप्त ६ दशमलव ३८४ किलोग्राम सुन पनि राष्ट्रबैंकको ढुककुटीमा जम्मा भएको छ । राजस्व अनुन्धान विभाग पुल्चोक कार्यालयले पनि विभिन्न समयमा गरी ५ दशमलव ६१३ किलोग्राम सुन राष्ट्रबैंकको ढुकुटीमा जम्मा गरेको छ ।

सोही आर्थिक वर्षमा भन्सार कार्यालय पथलैयाले २ दशमलव ६९८ किलोग्राम सुन राष्ट्रबैंकलाई बुझाएको छ भने भन्सार कार्यालय भैरहवाले १ दशमलव १६९ किलोग्राम सुन बुझाएको तथ्यांक छ ।  यस्तै सोही आर्थिक वर्षमा विभिन्न कार्यालयबाट ३ दशमलव २१४ किलोग्राम सुन पनि राष्ट्रबैंकको ढुकुटीमा जम्मा भएको छ ।

चालु आर्थिक वर्षमा प्रहरीले अहिलेसम्मकै ठूलो परिमाणमा सुन पक्राउ गरेको छ ।  काठमाडौंको  क्षेत्रपाटीबाट यही भदौ १९ गते प्रहरीले ८८ किलो सुन समातेको थियो । सो सुन पनि राष्ट्र बैंकसँगै रहेको छ । यसअघि भदौ १५ गते काठमाडौं र जनकपुरबाट प्रहरीले पक्राउ गरेको १५ किलोग्राम सुन समेत राष्ट्र बैंकले राखेको छ ।

यद्यपि पछिल्लो सुनबारे सम्बन्धित निकाय अनुसन्धानकै क्रममा रहेकाले गलान भइनसकेको राष्ट्र बैंकले जनाएको छ ।

नेपाललाई ट्रान्जिट प्वाइन्ट बनाएर सुन तस्करी पञ्चायतकालबाटै शुरु भएको विज्ञहरु बताउँछन् । २०४२ सालदेखि नै पञ्चहरु सुन तस्करीको विवादमा मुछिएका तथ्यांकहरु भेटिन्छन् । अहिलेसम्म विभिन्न समसयमा पक्राउ परेको  ४ हजार किलोग्राम भन्दा बढी सुन रहेको राष्ट्र बैंकले जनाएको छ ।

  • लोकान्तर
Sep 212017
 
Share on FacebookTweet about this on TwitterShare on Google+Print this page

एनआरएन सँघ स्विटजरल्याण्डका आईसीसी सदस्य एवं पूर्व अध्यक्ष डा. विनय कुमार श्रेष्ठले सँघको युरोप संयोजकमा उमेदवारी घोषणा गरेका छन् ।

एनआरएन सँघ स्विटजरल्याण्डको संस्थापक उपाध्यक्ष र दुई कार्यकाल अध्यक्ष रहेका उनी एनआरएन अभियानमा विगत दस वर्षदेखि सक्रिय रूपमा आबद्ध रहँदै आएका छन् । डा. श्रेष्ठ पेशाले क्यान्सर रोग विशेषज्ञ हुन् ।

एनआरएन सँघमा दीर्घकालिन विचार कार्यनीति र भिजन भएकाहरू पाखा लागे र ब्यापारीहरू हावी भए भनेर गुनासो चलिरहेको बेला डा. श्रेष्ठको उमेदवारीलाई धेरैले सकरात्मक रूपमा लिएका छन् ।

उमेदवारी घोषणा गर्दै उनले त्यसको अाैचित्य पुष्टी गर्न बुँदागत रूपमा आफ्ना विचार राखेका छन्:

उमेदवारी केका निम्ति ?

  • गैरआवासीय नेपाली सँघको स्थापना, विकास र प्रगतिमा युरोप क्षेत्रको भूमिका गौरवशाली रहेको छ। यो गौरवशाली इतिहासलाई कायम राख्दै आईसीसीसँग रचनात्मक सहकार्य र समन्वय गर्ने।
  • युरोप क्षेत्रका एनसीसीहरुको संस्थागत विकासका लागि आईसीसीसँग सहकार्य गरी एक विशेष योजना तर्जुमा गर्ने र संस्थागत विकास एवं आर्थिक पारदर्शितामा जोड दिने।
  • सँघको विकेन्द्रिकरणमा जोड दिई युरोप क्षेत्रलाई अझ सशक्त क्षेत्रका रुपमा स्थापित गराउने र केन्द्रीय नीतिनिर्माण र योजनाहरुमा प्रत्यक्ष संलग्न रहने।
  • सँघको संस्थागत चुनौतिहरु सम्बोधन गर्न प्रस्तावित “भिजन २०-२०” लाई तार्किक निष्कर्षमा पु‍र्‍याउने।
  • युरोपका प्रवासी नेपालीहरुको पेशागत, शैक्षिक, आर्थिक एवं सामाजिक क्षमता विकासका निम्ति एनसीसीहरुसँग छलफल गरी एक कार्यनीति तय गर्ने र कार्यान्वयन गर्ने
  • नेपालमा गरिने परोपकारी योजनाहरुको तर्जुमा र कार्यान्वयनमा प्रत्यक्ष प्रभावकारी भूमिका खेल्ने। साथै, संघका मेगा प्रोजेक्टहरु (लाप्राक, भवन निर्माण आदि) मा प्रतिबद्धता अनुसारको सहयोगलाई निरन्तरता दिने।

आफूलाई किन सुयोग्य ठानेँ ?

  • सामाजिक संस्थामा र पेशागत रूपमा दीर्घकालिन विचार, कार्यनीति र भिजन लिएर नेतृत्वदायी र उच्चस्तरिय व्यवस्थापनका साथ काम गरेको अनुभव
  • विगत एक दशकदेखि अनवरत रूपमा सँघको जिम्मेवार पदहरूमा सेवारत

                संलग्नता :

  • संस्थापक उपाध्यक्ष (सन २००८-२००९), गैरआवासीय नेपाली सँघ स्विटजरल्यान्ड
  • अध्यक्ष (२००९-२०११ र २०११-२०१३) गैरआवासीय नेपाली सँघ स्विटजरल्यान्ड
  • आईसीसी सदस्य (२०१५-२०१७) स्विटजरल्यान्डको प्रतिनिधित्व
  • साथै सँघका विभिन्न समितिहरुमा रही काम गरेको अनुभव
  • क्यान्सर रोग विशेषज्ञ। १४ वर्षदेखि स्विटजरल्यान्डमा कार्यरत। नेपाल र युरोपमा उच्चस्तरिय पेशागत अनुभव र शिक्षा

                शिक्षा:

  • एम.बि.बि.एस. (नेपाल)
  • एम.डी. (स्विटजरल्याण्ड)
  • बायोमेडिकल ईन्जिनियरिङमा स्नातकोत्तर (स्विटजरल्याण्ड)
  • एफ.एम.एच. रेडिएसन अंकोलोजी विशेषज्ञता (स्विटजरल्याण्ड)
  • संस्थागत काममा खटिन र सामाजिक सेवामा प्रतिबद्ध
Sep 212017
 
Share on FacebookTweet about this on TwitterShare on Google+Print this page

अमेरिकाको म्यारिल्यान्ण्ड राज्यको वेल्सभिलस्थित नेपाली मन्दिरमा भगवान् गौतम बुद्धको मूर्ति अनावरण गरिएको छ। मूर्तिलाई विनोद चौधरीकी श्रीमती सारिका चौधरी र  अमेरिकाका लागि महामहिम नेपाली राजदूत डा अर्जुन कुमार कार्कीले संयुक्त रुपमा  लुम्बिनी बगैंचा सहितको बुद्धको मूर्ति अनावरण गरेका हुन्।

समारोहमा विनोद चौधरी, उनकी श्रीमती सारिका चौधरी, नेपाल सरकारका अवैतनिक महा–बाणिज्यदूत प्रेमराजा महत, एनइसीसीका संस्थापक डा।हरि शर्मा,  लामागुरु पेमा लामा, बौद्ध धर्म संघका बुद्धरत्न महर्जन, डा।महेन्द्र कार्की, डा।विष्णु पौडेल, मेदिनी अधिकारी, खगेन्द्र अधिकारी, कृष्ण निरौला लगायतले आ आफ्नो मन्तब्य राखेका थिए।

यस्तै उक्त समारोह संस्थाका अध्यक्ष खिलेन्द्र न्यौपानेको अध्यक्षतामा सम्पन्न भएको थियो।  बौद्ध धर्म गुरुहरुबाट पुजा अर्चना प्राण प्रतिष्ठा गरेर ऊदघाटन गरिएको ८ फिट अग्लो बौध्द स्तुपामा नेपालको शाक्यमुनी बुद्ध धर्मावलम्बीसंग सम्बन्धित संस्थाहरूका कार्यकर्ताहरूको सकृय सहयोगमा लुम्बिनी बगैंचा निर्माण गरिएको छ।

Sep 212017
 
Share on FacebookTweet about this on TwitterShare on Google+Print this page

गैरआवासीय नेपाली संघ (एनआरएनए) अन्तर्राष्ट्रिय समन्वय परिषदको अध्यक्षमा वर्तमान अध्यक्ष भवन भट्टले उम्मेदवारी घोषणा गरेका छन्। शनिबार होटल अन्नपूर्णमा पत्रकार सम्मेलन गर्दै उनले २०१७—२०१९ कार्यकालका लागि आफू अध्यक्षको उम्मेदवार हुने बताएका हुन्।

उम्मेदवारी घोषणा गर्न अयोजित पत्रकार सम्मेलनमा उनले वैदेशिक रोजगारीमा रहेका नेपालीको बीमाका लागि एनआरएन वैदेशिक रोजगार आपत्कालीन कोषको रकम परिचालन गर्न सकिने जनाए।

अध्यक्ष प्रत्यासी भट्टले प्रत्येक राष्ट्रमा भएका एनआरएनए शाखा (एनसीसी) ले एउटा परियोजना निर्माण गर्ने परिकल्पना पत्रकार सामु सुनाएका थिए। ′हरेक एनसीसीका एक विशेष परियोजना परिकल्पना गरिएको छ, सामाजिक उद्यमशीलतालाई प्रवद्र्धन गरी महिला तथा युवा सहभागिता वृद्धि गरिने कार्यक्रम रहनेछ′, उनले भने। हाल गैरआवासीय नेपाली संघका विश्वभरि ७७ एनसीसीहरु रहेका छन्। ती सबैले एउटा—एउटा परियोजना सञ्चालन गर्दा गैरआवासीय नेपालीका नेपालमा ७७ परियोजना हुनेछन्।

गैरआवासीय नेपालीको सामूहिक लगानी नेपाल भित्र्याउन एवं वैदेशिक रोजगार कोषलाई अझ विस्तार गर्न आफूले जोड दिने उनको भनाइ थियो। हाल एनआरएनए वैदेशिक रोजगार कोषमा करिब दुई करोड ५० लाख रुपैयाँ रहेको छ।
वर्तमान नेतृत्वले अघि बढाएका लाप्राक नमुना बस्ती, एनआरएन भवन निर्माण, भिजन ट्वान्टी ट्वान्टी एन्ड वियोन्ड तथा सामूहिक लगानीलाई निरन्तरता दिने प्रतिबद्धता उनले जनाए।

संस्थागत संरचना परिवर्तनका लागि अध्यक्ष शेष घलेले प्रस्ताव गरेको भिजन ट्वान्टी ट्वान्टीबारे गैरआवासीय नेपाली संघमा मत विभाजनको स्थिति छ।

‘साथीहरुको विवाद सो प्रस्तावको कन्टेन्टमा हो। संस्थाको गतिशीलताका लागि भिजन आउनु सामान्य प्रक्रिया हो′, उनले भने, ‘यसलाई सकेसम्म पहल गर्छु। दुवै पक्षलाई ब्यालेन्स गर्ने ट्रिकी गेमको रुपमा मैले यसलाई प्रस्तुत गरेको छैन।′

Sep 212017
 
Share on FacebookTweet about this on TwitterShare on Google+Print this page

गैरआवासीय नेपाली संघ (एनआरएनए) अन्तर्राष्ट्रिय समन्वय परिषदको अध्यक्षमा वर्तमान अध्यक्ष भवन भट्टले उम्मेदवारी घोषणा गरेका छन्। शनिबार होटल अन्नपूर्णमा पत्रकार सम्मेलन गर्दै उनले २०१७—२०१९ कार्यकालका लागि आफू अध्यक्षको उम्मेदवार हुने बताएका हुन्।

उम्मेदवारी घोषणा गर्न अयोजित पत्रकार सम्मेलनमा उनले वैदेशिक रोजगारीमा रहेका नेपालीको बीमाका लागि एनआरएन वैदेशिक रोजगार आपत्कालीन कोषको रकम परिचालन गर्न सकिने जनाए।

अध्यक्ष प्रत्यासी भट्टले प्रत्येक राष्ट्रमा भएका एनआरएनए शाखा (एनसीसी) ले एउटा परियोजना निर्माण गर्ने परिकल्पना पत्रकार सामु सुनाएका थिए। ′हरेक एनसीसीका एक विशेष परियोजना परिकल्पना गरिएको छ, सामाजिक उद्यमशीलतालाई प्रवद्र्धन गरी महिला तथा युवा सहभागिता वृद्धि गरिने कार्यक्रम रहनेछ′, उनले भने। हाल गैरआवासीय नेपाली संघका विश्वभरि ७७ एनसीसीहरु रहेका छन्। ती सबैले एउटा—एउटा परियोजना सञ्चालन गर्दा गैरआवासीय नेपालीका नेपालमा ७७ परियोजना हुनेछन्।

गैरआवासीय नेपालीको सामूहिक लगानी नेपाल भित्र्याउन एवं वैदेशिक रोजगार कोषलाई अझ विस्तार गर्न आफूले जोड दिने उनको भनाइ थियो। हाल एनआरएनए वैदेशिक रोजगार कोषमा करिब दुई करोड ५० लाख रुपैयाँ रहेको छ।
वर्तमान नेतृत्वले अघि बढाएका लाप्राक नमुना बस्ती, एनआरएन भवन निर्माण, भिजन ट्वान्टी ट्वान्टी एन्ड वियोन्ड तथा सामूहिक लगानीलाई निरन्तरता दिने प्रतिबद्धता उनले जनाए।

संस्थागत संरचना परिवर्तनका लागि अध्यक्ष शेष घलेले प्रस्ताव गरेको भिजन ट्वान्टी ट्वान्टीबारे गैरआवासीय नेपाली संघमा मत विभाजनको स्थिति छ।

‘साथीहरुको विवाद सो प्रस्तावको कन्टेन्टमा हो। संस्थाको गतिशीलताका लागि भिजन आउनु सामान्य प्रक्रिया हो′, उनले भने, ‘यसलाई सकेसम्म पहल गर्छु। दुवै पक्षलाई ब्यालेन्स गर्ने ट्रिकी गेमको रुपमा मैले यसलाई प्रस्तुत गरेको छैन।′