बेल्जियममा रहेका व्यवसायीहरूले बैंक ट्रान्सफरबाट (बैक कोन्ट्याक्ट, क्रेडिट कार्डको प्रयोग) पेमेन्ट गर्ने मेशीनमा सहुलियत दरमा सुविधा पाउनको लागि नेपाल व्यवसायी सँघ बेल्जियमले पहल गरेको छ ।
बैंक ट्रान्सफरको सुविधा लिँदा विभिन्न कम्पनीहरूको चर्को कमिसन दरको तुलनामा ‘इजी क्यास’ सस्तोमा सुविधा दिने कम्पनीका रूपमा चिनिन्छ । नेपाली व्यवसायीहरूले सामूहिक रूपमा ‘इजी क्यास’ सँग डिलिङ गर्दा त्यस दरमा पनि अधिकतम सहुलियत दिन सक्ने र पहिलो चार महिना निःशुल्क सेवा प्रदान गर्न ‘इजी क्यास’ तयार भएको छ ।
यसका निम्ति सो कम्पनीका सेल्स कन्सल्यान्ट क्रिस्टोफ भेरहागन र सँघमा आबद्ध नेपाली व्यवसायीहरूबीच नेगोसिएसन वार्ता गर्न समय मिलाइएको छ । तसर्थ, इच्छुक व्यवसायीहरू आउँदो जनवरी २९ बुधवार दिउँसो ११.३० बजे आन्तवर्पेनको Ocean Shushi (Anselmostraat 15, Antwerpen) रेस्टुरेण्टमा उपस्थितिको निम्ति सँघले आव्हान गरेको छ ।