गत शुक्रवार देखि सार्वजनिक प्रदर्शनमा आएको राजकुमार हिरानीको भारतीय चलचित्र  पीकेले  हिन्दुको भावाना माथि चोट पुर्याएको भन्दै चलचित्रमा प्रतिबन्ध लगाउन वा केहि दृश्य हटाउन माग गरीरहेको बेला फिल्मको प्रमाण पत्र दिने सेन्सर बोर्डले यस मागलाई खारेज गरीदिएको छ|

सेन्सर बोर्डका अध्यक्ष लीला सैमसनले चलचित्र रिलिज भै सकेको र बोर्डले कुनै दृश्य नहटाउने जनाएकी छन् | उनले जुनसुकै चलचित्रले पनि कसै न कसैको भावाना वा धार्मिक भावानामा ठेस पुर्याउने बताएकी छिन | आफ्नो तरिकाबाट प्रस्तुत गर्नु कला हो भन्दै उनले चलचित्रलाई प्रमाण पत्र प्रदान गरीसकेको र अनावश्यक तरिकाबाट चलचित्रको दृश्य हटाउन नसकिने जनाएकी छिन |

भारतमा पीकेलाई प्रदर्शनमा प्रतिबन्ध लगाउन र नायक आमिर खानलाई पक्राउ गर्न राम बाबाले समेत माग गरेको भारतीय सञ्चार माध्यमहरूले जनाएका थिए| फिल्मले धर्ममाथि ब्यङ्ग्य गरेको भन्दै हिन्दु मात्र नभएर मुस्लिम धर्मगुरुले समेत यो चलचित्रमा प्रतिबन्ध लगाउन माग गरेका थिए| चलचित्रमा आमिर खानले रक्सीको बोत्तल लिएर मन्दिरमा गएको भन्दै आपत्ति जनाएका थिए|