Sep 152015
 
Share on FacebookTweet about this on TwitterShare on Google+Print this page

Dipendra KCरेमिट्यान्सको लड्डूूले
हृष्टपुष्ट लाग्ने लालबावुहरु !

डी.भी. र पी.आर.का हल्लाहरु,
निजामती हप्कीदप्की
र फेरि हल्लाहरुकै सिरक ओढेर निदाउने आदतमा
तिमीहरुलाई बिझाउँदैनन् ? करङहरु पियन र कुल्लीहरुका ?
लाईनका लाईन
हरियो पासपोर्टमा डिपार्टचर हानेर
दिनका दिन बाकसभित्रका लाश गन्ने
आदत वसेका लालबावुहरु
के जिउँदै देश फर्कनु अपराध हो ?

आत्महत्या गर्न भासिएका होइनौैं हामी
खाडी, मलेशिया, यूरोप, अमेरिकातिर ।

त्यो हिमालको हावामा
त्यो तराईको फाँटमा
त्यो पहाडको फेदमा
हाम्रो पनि अधिकार छ
र अधिकार छ
सिँहदरवार र बालुवाटारमा पनि
त्यसैले हामी फर्किन्छौं लालबावु !

हामी लादिएका छौं र त
तिम्रो पजेरो चलेको छ
हामी खाडी र चुलाजुठेल्नामा बलेका छौं र त
बालुुवाटारमा भोज चलेको छ
बरु एउटा हात मेशीनतिरै छोडेर भएपनि
यो जवानी बालुवामै सुुकाएरै भएपनि
वा कारगिल, अफगान, इराकतिरबाट
बालबाल ज्यान जोगाएर भएपनि
अन्तिम श्वास फेर्न त देशमै फर्कन्छौं
बरु जिउँदाहरु फर्कदा
नमीठो लाग्ला—
तिम्रा आँखाहरुलाई
बाकसहरु गन्ने आदतहरुलाई ।

तरपनि महाशय !
हामी त फर्कन्छौं फर्कन्छौं
आफनो माटोमा फर्कने
अनुमतिपत्र हामी आफैसँग छ
किनकि देश
सरुवा, बर्खासी र बन्देज लगाउने
गुटको उपहारमा प्राप्त
सामान्य प्रशासन मन्त्रालय होइन
लालबावुु महोदय !

— दीपेन्द्र के.सी.
बागलुुङ, हाल लुभेन बेल्जियम ।

  10 Responses to “हामी फर्कन्छौं लालबावु महोदय !”

  1. Awesome!

  2. I never hear Minister Lal babu to close door those guys Nepalese want to back to their hometown
    .He only mention that no guys have dual character as same time either he wants to hang out of state nor he do his job in the contry., So, like Deependrajee, I don’t want to say these kinds of poor words.

  3. Great !

  4. Amarica ra thula thula desh ma utai ko national id liyera basne le remittances ko dhak nadekhaye hunxa, nepal ko remittances khadi muluk la malaysia ma basne nepali dajuvai le pathako paisa ho. Ra hamro lalbabu lai purna samarthan xa. Afu bachna aruko dhal bananune ta jasta lai aba nepal pasna pani dini hunna .

    • e ! Kati mya mya gareko? Jawahar lal Nehru University bata PhD garera aayeu ki k ho? Dherai thaha raixa remittances kaha bata aauxa vanera.. Timi Ko hau ra ko aauxa aaudaina nirnaya garna lai?

  5. महोदय ज्ञात रहोस, लालबाबुको अभियान नेपालमा जागिर छदाछदै बिदेश को citizenship लिनेमाथी हो। gulf र मलेशिया को फजुल कुरासँग कसैको सहमति छैन । नेपालमा पद ओगटेका अनि अरु देस्मा बस्नेहरूले देस छोडेर गये मात्र अरुलाइ अवसर मिल्छ। लेखनशैली त राम्रो छ तर सान्दर्भिक छैन ।

  6. हामी फर्कन्छौं लालबावु महोदय !
    ——————————————-

    “रेमिट्यान्सको लड्डूूले
    हृष्टपुष्ट लाग्ने लालबावुहरु !”

    जस्ता विप्रेषणले मुलुक धानिएको कुरा तथा अत्यन्त निम्न कोटिको भाषा प्रयोग गरी सुकिलो मुकिलो अनुहारमा देखिने र चिल्ला शव्दावलीमा लेख्ने महाशयले केही कुरा बुझ्नु बाँकी रहेछ लागेर कलम समाउँदैछु ।
    एक, गरीबी र मजबूरीमा विदेश बस्नेप्रति नकरात्मक भएर तथा भूमण्डलीकरणको प्रवाहलाई रोक्ने भनी मन्त्री र सरकारले केही बोलेका छैनन् । पटक पटक खण्डन भइसकेको छ । बरू विदेशमा जुनसुकै बहानामा गएर मुलुकप्रत गद्दारी गर्नेका विरूद्ध मन्त्री खनिएको साँचो हो ।

    सम्पूर्ण धन, मन, जवानी र तागत विदेशमा लगाएर जीवन उतै बिताउने र नेपालका बारेमा अन्ट सन्ट बोल्नु सुहाउने कुरा भने होइन ।

    धेरैजसो यस्ता “कविता” लेख्नेहरूले मुलुकमा रेमिटेन्स पठाउने कुरा हाबा गफ हुन् । मूलतः पढ्न लेख्न कनीकुथी जान्ने र काम र माममा बढि ध्याउन्न हुनेहरू महिनामा एकपटक बैंकमा गएर रेमिटेन्स पठाउँछन् । योरप अमेरिका अष्ट्रेलियामा रहनेमध्ये ९० प्रतिशतले यो गर्दैनन् । विकसित मुलुकमा जापान र कोरियाबाट विप्रेषण आउँछ । खाडीका मुलुक, मलेशिया र भारत, मालद्विभ्सलगायतका कम विकसित मुलुकबाट आएको विप्रेषणका कुरा अर्थशास्त्रीहरू गर्छन् ।

    अर्थशास्त्रको कखरा नपढेका वा पढे पनि अल्प विद्याका धनीहरूले वा जानीबुझी भ्रमको खेती छर्न चाहने ले यस्ता कुरा बढि गर्छन् । म अर्थशास्त्रीय भाषामा यसलाई प्रमाणित गर्न चुनौति दिन्छु । यो घर पोलेर खरानीको के दुःख भनेजस्तो हो । दुहुनो भैँसी मरेपछि मासु बेच्ने वा छाला उतारेर जुत्ता बनाउने कुरा गरेजस्तो अनाडि कुरा गरेर सोझा सिधालाई हप्कीदप्की लाउने टाठा बाठाहरूले विदेशमा गएर पनि आफ्नो धर्म र चरित्र छोड्दा रहेनछन् । कच्चा पदार्थ बेचेर औद्योगिक पदार्थसँग व्यापार गर्ने अल्पविकसित मुलुकको व्यापार घाटा जगजाहेर छ । झन पाखुरी बेचेर के होला ? को पुष्टिएला ?

  7. NRN को हुन ?
    दोहोरो नागरिकता ले देश लाई फ़ायदा कि बेफाईदा ???
    मलेशिया , कोरिया , साऊदी, क़तार मा श्रम गर्ने हरु ले ति देश को नागरिकता नै पाऊदैनन । नेपाली पासपोर्ट मा भिसा थपेर बसेका हुन्छन । तिनको पुर्ण अधिकार सहित को नेपाली नागरिकता हुदां हुदै अधिकार कटौती गरेको दोहोरो नागरिकता दिन त सुहाउछ र ??? यो नैतिक र कानुनी कुरा हो त ???
    काठमांडू को रमेश शर्मा ले अमेरिका मा आफुलाई भुटानको कुमार क्षत्री भनेर अमेरिकी नागरिकता लियको छ ।
    अब त्यसलाई भूटानी नाम मा दोहोरो नागरिकता दिने त ???
    पर्बतको सुरेश बि क ले झापा को सतीश बुढाथोकी को नाम मा बेलायती पासपोर्ट लियको छ अब ऊसलाई झापा बाट दोहोरो नागरिकता दिने त ????
    रसुबाको बिमल तामांग ले बेल्जियम मा नक्कली भयर लाक्पा ताशी को नाम मा यूरोपियन पासपोर्ट लियको छ ?
    ऊ संग रसुवा बाट लियको नेपाली नागरिकता हुदां हुदै तिब्बती को नाम मा दोहोरो नेपाली नागरिकता दिन मिल्छ त ???
    अस्ती मात्र नेपाल को सांसद ले नेपाली नागरिकता हुदां हुदै नक्कली भारतीय र तिब्बती नागरिकता लियको भनेर कांड भयको थियो ।
    नेपालको कानुन अनुसार एक ब्यक्ती ले एक भन्दा बढ़ी नाममा नेपाली नागरिकता लियमा ऊसलाई जेल सजाय हुन्छ ।।
    NRN हरु हजारौ को संख्या मा नाम , ठेगाना, बाबु आमा , स्वास्नी छोरा छोरी को रील real identity ढाँटेर नक्कली शरणार्थी बनेर बिदेशी पासपोर्ट लियका छन ।
    युरोप अमेरिकी क्यानडा अस्टर्ेलिया मा यस्ता हजारौ हज़ार NRN छन ।
    अस्ती मात्र बेलायत , डेनमार्क , बेल्जियम , अमेरिका , जापान लगायत का देश मा NRN को चुनाब मा कुटाकट हुदां पुलिस नै बोलाऊनु परेको थियो र कारण थियो २०००-४००० हज़ार नक्कली मतदाता शृजना गरेर चुनाब धाँधली गरेको ।।।
    हाहाहाहा कति लाजम्रदो
    न पैसा पाईने , न गाड़ी र अरु सुविधा पाईने । यस्ता पद मा त यस्तो छ भने यि NRN हरु ले नेपाल मा मन्त्री सांसद हुन को लागी के के नगर्लान त???
    यो पेचिलो बिषय हो ।
    धेरै प्रश्न ऊठछन :-
    १) NRN के का लागी ? जरुरी छ र ? राजनिती गर्ने सिढी बनाऊन होईन त ? नेपाल लाई सहयोग गर्न च्यरिटी संस्था खोले हुदैन र ??
    २) लालबाबु ले बर्खास्त गरेका भ्रस्ट देश को रगत चुस्ने कर्मचारी हरु , नेपाली पासपोर्ट च्यातेर नक्कली शरणार्थी को भिख लियका कलाकार, नेता, संघसंय्थाका कर्मचारी, लेखक , शिक्षक, कानुन ब्यबसायी , शैक्षिक पेशा मा लागेका सबै अबसरबादी हरु ले युरोप , क्यानडा , अस्टर्ेलिया , जापान लगायत सबै बिकसीत देश मा तमासा देखायका छन ।
    ३) high skilled visa migrate गर्ने हरु watchman को नोकरी गर्ने बोक्रे हरु को हैसियत ति देश मा बैराग्य छ ।
    ४) ५५ को ऊमेर पछि ति देश को पेन्सन नेपाल मा खायर फेरी नेपाल लाई लुटने सपना बुनेका यि NRN हरु लाई दोहोरो नागरिकता दिनु भनेको सम्पूर्ण ग़रीब हरु धोका दिनु हो ।
    ५) बिदेस मा जाली कागजपत्र ले त्याहाको नागरिकता पायका यि फटाहा धूर्त हरु ले यदि नेपाल मा लगानि गर्न चाहे business visa ले हुदैन र ।
    यो त नेपाल बस्दा tourist visa को पैसा बचाऊने प्रपन्च मात्र हो ।

    Naya Nepal commented on a link.
    9 hrs ·
    लेखक महोदय,
    मलेशिया , कोरिया , साऊदी, क़तार मा श्रम गर्ने हरु ले ति देश को नागरिकता नै पाऊदैनन । नेपाली पासपोर्ट मा भिसा थपेर बसेका हुन्छन । तिनको पुर्ण अधिकार सहित को नेपाली नागरिकता हुदां हुदै अधिकार कटौती गरेको दोहोरो नागरिकता दिन त सुहाउछ र ??? यो नैतिक र कानुनी कुरा हो त ???
    काठमांडू को रमेश शर्मा ले अमेरिका मा आफुलाई भुटानको कुमार क्षत्री भनेर अमेरिकी नागरिकता लियको छ ।
    अब त्यसलाई भूटानी नाम मा दोहोरो नागरिकता दिने त ???
    पर्बतको सुरेश बि क ले झापा को सतीश बुढाथोकी को नाम मा बेलायती पासपोर्ट लियको छ अब ऊसलाई झापा बाट दोहोरो नागरिकता दिने त ????
    यो पेचिलो बिषय हो ।
    धेरै प्रश्न ऊठछन :-
    १) NRN के का लागी ? जरुरी छ र ? राजनिती गर्ने सिढी बनाऊन होईन त ? नेपाल लाई सहयोग गर्न च्यरिटी संस्था खोले हुदैन र ??
    २) लालबाबु ले बर्खास्त गरेका भ्रस्ट देश को रगत चुस्ने कर्मचारी हरु , नेपाली पासपोर्ट च्यातेर नक्कली शरणार्थी को भिख लियका कलाकार, नेता, संघसंय्थाका कर्मचारी, लेखक , शिक्षक, कानुन ब्यबसायी , शैक्षिक पेशा मा लागेका सबै अबसरबादी हरु ले युरोप , क्यानडा , अस्टर्ेलिया , जापान लगायत सबै बिकसीत देश मा तमासा देखायका छन ।
    ३) high skilled visa migrate गर्ने हरु watchman को नोकरी गर्ने बोक्रे हरु को हैसियत ति देश मा बैराग्य छ ।
    ४) ५५ को ऊमेर पछि ति देश को पेन्सन नेपाल मा खायर फेरी नेपाल लाई लुटने सपना बुनेका यि NRN हरु लाई दोहोरो नागरिकता दिनु भनेको सम्पूर्ण ग़रीब हरु धोका दिनु हो ।
    ५) बिदेस मा जाली कागजपत्र ले त्याहाको नागरिकता पायका यि फटाहा धूर्त हरु ले यदि नेपाल मा लगानि गर्न चाहे business visa ले हुदैन र ।
    यो त नेपाल बस्दा tourist visa को पैसा बचाऊने प्रपन्च मात्र हो ।

    हास्यास्पद ।।।।।
    को हुन NRN?
    नकक्ली शरणार्थी , नक्कली पुलिस , नक्कली माओवादी, नक्कली सेना, तथा अन्य हज़ारों जाली काग़ज़ पेस गरेर यि देश को नागरिकता लियर बस्ने अनि आफुलाई नेपाली भन्ने ???
    त्यसो भय भूटान मा रहेका नेपाली बोल्ने हरु पनि NRN, सिक्किम दार्जिलिंग लगायत बिभीन्न भारतीय राज्य मा बस्ने र ति राज्य बाट युरोप अमेरिका मा बस्ने नेपाली भाषी हरु NRN ???
    बास्तब मा real नेपाली त student visa भयका हुन ।
    नेपालको नागरिकता, पासपोर्ट , नाम, बा आमा सबै ढाँटेर बेलायत लगायत संसारका धेरै देश मा asylum गरेर भोली फेरी नेपालको सम्पती जोगाऊन, राजनिती गर्न NRN बनेर ? नेपालको नागरिकता नत्यागी ग़ैर आबासिय नेपाली बनेको भय बल्ल NRN नत्र जालि काग़ज़ ले अर्काको नागरिकता लियर के को NRN को नाटक ।
    NRN मा लाग्ने हरु कुन visa मा कहिले यो देश आय र कुन आधार मा यो देश को नागरिकता लियका हुन ??
    यो कुरा public domain मा सार्बजनिक हुनु पर्छ

    त्री लालबाबु पॅडित लाई सलाम छ DV र PR वाला हरु कारबाई गर्ने अठोट गरेकोमा ।
    अब एऊटा अहम सबाल हजुर लाई :-
    के यिनी हरु लाई दोहोरो नागरिकता दिनु हुन्छ त ????
    यिनै देशद्रोही भगौडा हरु NRN हुन र यिनै को बथान ले दोहोरो नागरिकता मागेका छन । भबिस्य मा यिनै सर्प , व्वासा हरु दोहोरो नागरिकता लियर आफ्नो स्वार्थ पुरा गर्न नेपाल फर्किदा तपाईको यो मेहनत खेर जादैन त ?????
    त्यस कारण NRN लाई कुनै पनि हालत मा नेपाली दोहोरो नागरिकता दिनु हुदैन ॥ नेपाल मा लगानी गर्न लाई business visa दिय हन्छ ॥॥॥॥

  8. लालबावुका विरोध र समर्थनका कुरा सुन्दा सुन्दा
    आफु पनि कवि भइएछ कि कसो गन्दा गन्दा B
    देशमा नेताहरुले गर्दै आइरहेको मनपरीतन्त्र
    डलर र युरोको बिटामा हेर्दै अनि देख्दै लोकतन्त्र
    गरिव देशमा रमाउनेहरु अशिक्षित अनि आँट नभएका
    आफुहरु डिभि अनि पिआर पाएर भाग्यमानी भएका
    खाडीमा हड्डी खियाएर पठाएको रेमिट्यान्स
    यी डिभि पिआरवालाले कति पठाए पेनी र पेन्स

    आत्महत्या गर्न होइन भने देशमा फर्कने गर्नु आँट
    बाकस वा ह्विलचेयरमा हो भने फर्के हुन्छ बाटैवाट
    आफ्ना जवानीका जोश र जाँगर सवै खर्चेर विदेशमा
    कफ र खकार सडकमा फालेर कराउन कहिले हुन्छ विकास यो देशमा(?)
    एउटा हात मेशिनतिर छाडेर भएपनि अर्को हातमा बोकेर अनुमतिपत्र
    सके एउटा कलम पनि साथै ल्याए कसो होला सहि गर्न अंशवण्डापत्र

  9. दिपेन्द्र जी ले लालबाबु को अभियानलाई राम्ररी पढेर बुझेर मात्र आफ्नो आवेग पोख्नु भएको भए राम्रो हुने थियो / नबुझिकन कागको पछि दौडनु ठिक भएन /

 Leave a Reply

(required)

(required)


*